ಕೋಳಿಗಳ ಬೇಟೆಯಾಡಲು ಬೆಕ್ಕಿನ ಖತರ್ನಾಕ್ ಸ್ಟಂಟ್! ಪ್ಲಾನ್ ಎಡವಟ್ಟಾದ ದೃಶ್ಯ ನೋಡಿ ಈ ವಿಡಿಯೋದಲ್ಲಿ…

By admin — ON Aug 19, 2022

ಪ್ರತಿಯೊಂದು ಮಾಂಸಾಹಾರಿ ಪ್ರಾಣಿಗಳು ತಮ್ಮ ಭಕ್ಷ್ಯವನ್ನು ಬೇಟೆಯಾಡಿ ತಿನ್ನಲು ಅನೇಕ ರೀತಿಯ ಐಡಿಯಾಗಳನ್ನು ಕಾರ್ಯರೂಪಕ್ಕೆ ತರಲು ಯತ್ನಿಸುತ್ತಿರುತ್ತವೆ. ಒಟ್ಟಿನಲ್ಲಿ ಏನೇ ಆಗಲಿ ಬೇಟೆ ಕೈಯಿಂದ ವಿಶೇಷವಾಗಿ ಬಾಯಿಂದ ತಪ್ಪಬಾರದು ಎನ್ನುವ ಉದ್ದೇಶ ಆ ಪ್ರಾಣಿಗಳು ಹೊಂದಿರುತ್ತವೆ. ಇದೇ ರೀತಿ ಸಧ್ಯ ಬೆಕ್ಕು ತುಂಬಾ ವಿಶೇಷವಾಗಿ ಬೇಟೆಯಾಡಲು ಯತ್ನಿಸಿದ ವಿಡಿಯೋ ಒಂದು ಸೋಶಿಯಲ್ ಮೀಡಿಯಾದಲ್ಲಿ ನೋಡಲು ಸಿಗುತ್ತಿದೆ. ಈ ವಿಡಿಯೋದಲ್ಲಿ ಬೆಕ್ಕು ಬೇಟೆಯಾಡುವ ಪ್ರಯತ್ನದಲ್ಲಿ ಎಂತಹ ರಿಸ್ಕ್ ತೆಗೆದುಕೊಂಡಿದೆ ಎಂಬುದನ್ನು ನೋಡೋಣ ಬನ್ನಿ.

ಕಂಡುಬರುವ ಈ ವಿಡಿಯೋದ ದೃಶ್ಯದಲ್ಲಿ ಬೆಕ್ಕು ಒಂದು ಎತ್ತರವಾದ ಕಟ್ಟಡದ ಮೇಲಿಂದ ಕೆಳಗೆ ಜಿಗಿಯುವ ಯತ್ನದಲ್ಲಿದೆ. ಕೆಳಗೆ ಕೆಲವು ಕೋಳಿಗಳು ತಿರುಗಾಡುತ್ತಿರುವುದನ್ನು ಬೆಕ್ಕು ಮೇಲಿಂದಲೇ ನೋಡಿ ಅವುಗಳಲ್ಲಿ ಒಂದನ್ನು ಬೇಟೆಯಾಡಬೇಕೆಂಬ ಸ್ಕೆಚ್ ಹಾಕಿದೆ. ಈ ಪ್ರಯತ್ನವನ್ನು ಕಾರ್ಯರೂಪಕ್ಕೆ ತರಲು ಬೆಕ್ಕು ನೇರ ಮೇಲಿಂದಲೇ ಜಂಪ್ ಹೊಡೆದಿದೆ. ಈ ದೃಶ್ಯ ನೋಡಲು ನಿಜಕ್ಕೂ ಆಶ್ಚರ್ಯವೆನಿಸುತ್ತದೆ. ಬೆಕ್ಕು ಕೆಳಗೆ ಜಿಗಿಯುವಾಗ ಒಂದು ಎಡವಟ್ಟು ಸಂಭವಿಸಿದೆ. ಅದೇನೆಂದರೆ ಮಧ್ಯದಲ್ಲಿ ಎಳೆಯಲಾದ ವಿದ್ಯುತ್ ವೈರ್ ಮೇಲೆ ಬೆಕ್ಕು ನೇರವಾಗಿ ಹೋಗಿ ಬಿದ್ದಿದೆ. ವೈರ್ ಮೇಲೆ ಬಿದ್ದ ಬೆಕ್ಕು ನಂತರ ಕೆಳಗೆ ನೆಲದ ಮೇಲೆ ಮತ್ತೊಮ್ಮೆ ಬಿದ್ದಿದೆ. ಈ ಗದ್ದಲಕ್ಕೆ ಅಲ್ಲಿದ್ದ ಕೋಳಿಗಳು ಓಡಿ ಹೋಗಲು ಯಶಸ್ವಿಯಾಗಿವೆ. ಮತ್ತು ಇಷ್ಟೊಂದು ದೊಡ್ಡ ರಿಸ್ಕ್ ತೆಗೆದುಕೊಂಡು ಬಿಲ್ಡಿಂಗ್ ಮೇಲಿಂದ ಜಿಗಿದು ಬಂದ ಬೆಕ್ಕಿಗೆ ಪಾಪ ಪೆಚ್ಚುಮೋರೆ ಹಾಕುವಂತಾಗಿದೆ.

ವಿಡಿಯೋ ನೋಡಿ