ಅನ್ನ ಊಟ ಮಾಡಿದರೆ ದಪ್ಪ ಆಗ್ತಿವಿ ಅನ್ನೊ ಭಯ ಬೇಡ : ಈ ರೀತಿ ಬೇಯಿಸಿ ತಿಂದರೆ ತೂಕ ಎಂದಿಗೂ ಹೆಚ್ಚಾಗುವುದಿಲ್ಲ!

ಅನ್ನ ತಿನ್ನಲು ಇಷ್ಟಪಡುವ ಜನರಿಗೆ ಇಲ್ಲಿ ಒಳ್ಳೆಯ ಸುದ್ದಿ ಇದೆ. ತುಂಬಾ ಜನ ಅನ್ನ ಊಟ ಮಾಡುವುದರಿಂದ ದಪ್ಪ ಆಗ್ತಿವಿ ಅಂತ ಹೆದರುತ್ತಾರೆ, ಅಂಥವರಿಗೆ ಯಾವ ಆತಂಕವೂ ಇಲ್ಲದೇ ಅನ್ನ ಉಣ್ಣಲು ಇರುವ ಒಂದು ಮಾರ್ಗವನ್ನು ಇಲ್ಲಿ ನಾವು ಹೇಳಲಿದ್ದೇವೆ. ಅಕ್ಕಿ ಬೇಯಿಸುವ ಒಂದು ವಿಶಿಷ್ಟ ಮಾರ್ಗವನ್ನು ಹೇಳುತ್ತಿದ್ದೇವೆ, ಅದರಿಂದ ನಿಮ್ಮ ತೂಕ ಹೆಚ್ಚುವುದಿಲ್ಲ. ನೀವು ಕೆಳಗೆ ವಿವರಿಸಿದ ರೀತಿಯಲ್ಲಿ ಅಕ್ಕಿ ಬೇಯಿಸಿದರೆ ಸಾಕು.

ಕೆಳಗೆ ವಿವರಿಸಿದ ಹಾಗೆ ಅನ್ನ ಮಾಡಿದರೆ ಅದು ಅಕ್ಕಿಯಲ್ಲಿರುವ ಕ್ಯಾಲೊರಿಗಳನ್ನು ಸುಮಾರು 50% ರಷ್ಟು ಕಡಿಮೆ ಮಾಡುತ್ತದೆ. ಈ ರೀತಿಯಾಗಿ ನೀವು ಪ್ರತಿದಿನ ಸ್ವಲ್ಪ ಅನ್ನವನ್ನು ತಿನ್ನಬಹುದು. ಇತ್ತೀಚಿನ ದಿನಗಳಲ್ಲಿ ಆಹಾರ ಪದ್ಧತಿಯ ವಿಷಯದಲ್ಲಿ ಜನರು ಮೊದಲು ಅಕ್ಕಿಯಿಂದ ದೂರವಿರುತ್ತಾರೆ. ಅನೇಕ ಜನರು ಅನ್ನವನ್ನು ತಿನ್ನಲು ಹೆದರುತ್ತಾರೆ.

ತೂಕ ಹೆಚ್ಚಾಗುವುದರಿಂದ ಅನ್ನವನ್ನು ತಿನ್ನುವುದಿಲ್ಲ, ಕೆಲವು ಜನರು ಅಕ್ಕಿಯನ್ನು ಅನಾರೋಗ್ಯಕರವೆಂದು ಕೂಡ ಪರಿಗಣಿಸುತ್ತಾರೆ. ಸ್ಥೂಲಕಾಯದ ಭಯದಿಂದ ಹೆಚ್ಚಿನ ಜನರು ಅಕ್ಕಿ ತಿನ್ನುವುದಿಲ್ಲ. ಅಕ್ಕಿಯಲ್ಲಿನ ಕಾರ್ಬೋಹೈಡ್ರೇಟ್‌ಗಳ ಪ್ರಮಾಣವು ಸಾಕಷ್ಟು ಹೆಚ್ಚಾಗಿದೆ. ಇದರಿಂದಾಗಿ ದೇಹವು ತ್ವರಿತ ಶಕ್ತಿಯನ್ನು ಪಡೆಯುತ್ತದೆ.

ನೀವು ಆಹಾರದಲ್ಲಿ ಸಾಕಷ್ಟು ಕಾರ್ಬೋಹೈಡ್ರೇಟ್‌ಗಳನ್ನು ಸೇವಿಸಿದರೆ, ನಿಮ್ಮ ತೂಕ ಮತ್ತು ಸಕ್ಕರೆ ಎರಡೂ ಹೆಚ್ಚಾಗುತ್ತದೆ. ಈ ಕಾರಣಕ್ಕಾಗಿ ಸ್ಥೂಲಕಾಯದ ಜನರು ಕಡಿಮೆ ಅನ್ನವನ್ನು ಸೇವಿಸಬೇಕು. ಅನೇಕ ಜನರಿಗೆ ಅನ್ನ ತಿನ್ನಬೇಕೆಂಬ ಹಂಬಲವಿರುತ್ತದೆ. ಭಾರತದಲ್ಲಿ ಹೆಚ್ಚಾಗಿ ಅಕ್ಕಿಯಿಂದಲೇ ಹೆಚ್ಚು ಖಾದ್ಯಗಳನ್ನು ತಯಾರಿಸಲಾಗುತ್ತದೆ.

ಬಿರಿಯಾನಿ, ಪುಲಾವ್, ಮಂಚೂರಿಯನ್ ರೈಸ್, ಫ್ರೈಡ್ ರೈಸ್, ಚಿತ್ರಾನ್ನ, ಅನ್ನ ಸಾಂಬಾರ್, ರೈಸ್ ಬಾತ್, ಲೆಮನ್ ರೈಸ್, ಟೊಮಾಟೊ ಬಾತ್… ಮುಂತಾದ ಅನೇಕ ಖಾದ್ಯಗಳನ್ನು ಅನ್ನದಿಂದ ತಯಾರಿಸಲಾಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ ನೀವು ಪ್ರತಿದಿನ ಆಹಾರದಲ್ಲಿ ಸ್ವಲ್ಪ ಅನ್ನವನ್ನು ಸೇವಿಸುವುದರ ಬಗ್ಗೆ ಚಿಂತೆ ಬೇಡ.

ಇದು ನಿಮ್ಮ ತೂಕವನ್ನು ಹೆಚ್ಚಿಸುವುದಿಲ್ಲ. ಹೌದು ಈಗ ಅನ್ನ ತಿನ್ನುವುದರಿಂದ ನಿಮಗೆ ಕೊಬ್ಬು ಆಗುವುದಿಲ್ಲ. ಶ್ರೀಲಂಕಾದ ವಿಜ್ಞಾನಿಗಳು ಅಕ್ಕಿ ಬೇಯಿಸಲು ಮತ್ತು ತಿನ್ನಲು ಒಂದು ಮಾರ್ಗವನ್ನು ಕಂಡುಕೊಂಡಿದ್ದಾರೆ. ಇದು ಅಕ್ಕಿಯಲ್ಲಿರುವ ಕ್ಯಾಲೊರಿಗಳನ್ನು ಅರ್ಧದಷ್ಟು ಕಡಿಮೆ ಮಾಡುತ್ತದೆ. ಆದ್ದರಿಂದ ನೀವು ಇದೇ ರೀತಿ ಅನ್ನವನ್ನು ಬೇಯಿಸಿ ತಿನ್ನುತ್ತಿದ್ದರೆ ತೂಕ ಹೆಚ್ಚುವುದಿಲ್ಲ.

ಈ ರೀತಿ ಅನ್ನ ಬೇಯಿಸಿ ತಿನ್ನಿರಿ :
1) ಮೊದಲು ಅಕ್ಕಿಯನ್ನು ಚೆನ್ನಾಗಿ ತೊಳೆಯಿರಿ. ಅದನ್ನು 15 ನಿಮಿಷಗಳ ಕಾಲ ನೀರಿನಲ್ಲಿ ನೆನೆಯಲು ಬಿಡಿ.
2) ಅಕ್ಕಿ ತಯಾರಿಸುವ ಪಾತ್ರೆಯಲ್ಲಿ 1 ಟೀಸ್ಪೂನ್ ತೆಂಗಿನ ಎಣ್ಣೆಯನ್ನು ಹಾಕಿ.
3) ಇದರ ನಂತರ ಅಕ್ಕಿಯನ್ನು ಎಣ್ಣೆಯಲ್ಲಿ ಸುಮಾರು 1 ನಿಮಿಷ ಫ್ರೈ ಮಾಡಿ.
4) ಈಗ ನೀರು ಸೇರಿಸಿ ಮತ್ತು ಕುಕ್ಕರ್ ಅನ್ನು ಮುಚ್ಚಿ, ಅದನ್ನು ಕಡಿಮೆ ಉರಿಯಲ್ಲಿ ಬೇಯಲು ಬಿಡಿ.
5) ಅನ್ನವಾದ ಮೇಲೆ ಅದನ್ನು ತಣ್ಣಗಾಗಲು ಬಿಡಿ. ಇದರ ನಂತರ ಅಕ್ಕಿಯನ್ನು ಫ್ರಿಜ್ ನಲ್ಲಿ 12 ಗಂಟೆಗಳ ಕಾಲ ಇರಿಸಿ.
6) 12 ಗಂಟೆಗಳ ನಂತರ ನೀವು ಅದನ್ನು ಹಾಗೆಯೇ ಅಥವಾ ಮತ್ತೆ ಬಿಸಿ ಮಾಡಿ ತಿನ್ನಬಹುದು.

ಈ ರೀತಿಯಾಗಿ ಅಕ್ಕಿ ಬೇಯಿಸುವುದರಿಂದ ಅದರಲ್ಲಿರುವ 50%-60% ಕ್ಯಾಲೊರಿಗಳು ಕಡಿಮೆಯಾಗುತ್ತವೆ ಎಂದು ಶ್ರೀಲಂಕಾದ ವಿಜ್ಞಾನಿಗಳು ಹೇಳುತ್ತಾರೆ. ಇದು ನಿಮ್ಮ ತೂಕವನ್ನು ಹೆಚ್ಚಿಸುವ ಅಪಾಯವನ್ನು ಬಹಳವಾಗಿ ಕಡಿಮೆ ಮಾಡುತ್ತದೆ. ವಿಶೇಷವೆಂದರೆ ಈ ರೀತಿಯಾಗಿ ಬೇಯಿಸಿದ ಅನ್ನವನ್ನು ನೀವು ದೀರ್ಘಕಾಲ ಸೇವಿಸಿದರೆ, ಅದು ನಿಮ್ಮ ತೂಕವನ್ನು ಸಹ ಕಡಿಮೆ ಮಾಡುತ್ತದೆ ಎಂದು ಈ ಸಂಶೋಧನೆಯಲ್ಲಿ ಹೇಳಲಾಗಿದೆ.