3 ತಿಂಗಳಲ್ಲಿ 3 ಲಕ್ಷ ರೂ ಆದಾಯ! ಕೃಷಿಯಲ್ಲಿ ಮೋಸ ಹೋಗದೇ ಗಳಿಸುವುದು ಹೇಗೆ ನೋಡಿ…

ಕಡಿಮೆ ಸಮಯ ಮತ್ತು ಕಡಿಮೆ ವೆಚ್ಚದಲ್ಲಿ ಗಳಿಸುವ ಆಯ್ಕೆಯನ್ನು ಬಯಸುವವರಿಗೆ ಔಷಧೀಯ ಸಸ್ಯದ ಕೃಷಿ ಮತ್ತು ವ್ಯವಹಾರವು ಬಹಳ ಲಾಭದಾಯಕವಾಗಿರುತ್ತದೆ. ನೈಸರ್ಗಿಕ ಉತ್ಪನ್ನಗಳು ಮತ್ತು ಔಷಧಿಗಳ ಮಾರುಕಟ್ಟೆ ಎಷ್ಟು ದೊಡ್ಡದಾಗಿದೆ ಎಂದರೆ ಅದರಲ್ಲಿ ಬಳಸುವ ನೈಸರ್ಗಿಕ ಉತ್ಪನ್ನಗಳಿಗೆ ಯಾವಾಗಲೂ ಬೇಡಿಕೆಯಿರುತ್ತದೆ, ಆದ್ದರಿಂದ ಔಷಧೀಯ ಸಸ್ಯ ಕೃಷಿಯ ವ್ಯವಹಾರದಲ್ಲಿ ತೊಡಗಿಕೊಳ್ಳುವುದು ಒಳ್ಳೆಯದು.

ಇದರಲ್ಲಿ ಕಡಿಮೆ ವೆಚ್ಚವಿದೆ ಮತ್ತು ದೀರ್ಘಕಾಲದವರೆಗೆ ಆದಾಯ ನಿರೀಕ್ಷೆ ಮಾಡಬಹುದು. ಔಷಧೀಯ ಸಸ್ಯವನ್ನು ಬೆಳೆಸಲು, ದೊಡ್ಡ ಕೃಷಿ ಹೂಡಿಕೆಯ ಅಗತ್ಯವಿಲ್ಲ. ಈ ಕೃಷಿಗಾಗಿ ನಿಮ್ಮ ಹೊಲಗಳಲ್ಲಿ ಒಪ್ಪಂದದ ಮೇಲೆ ಕೃಷಿ ಮಾಡಬಹುದು. ಇತ್ತೀಚಿನ ದಿನಗಳಲ್ಲಿ ಅನೇಕ ಕಂಪನಿಗಳು ಒಪ್ಪಂದದ ಮೇಲೆ ಔಷಧಿ ಸಸ್ಯ ಬೆಳೆಯಲು ಒಪ್ಪಂದ ಮಾಡಿಕೊಳ್ಳುತ್ತಿವೆ.

ಈ ಬೆಳೆ ಪ್ರಾರಂಭಿಸಲು ನೀವು ಕೆಲವು ಸಾವಿರ ರೂಪಾಯಿಗಳನ್ನು ಮಾತ್ರ ಖರ್ಚು ಮಾಡಬೇಕಾಗುತ್ತದೆ, ಆದರೆ ಲಕ್ಷಗಳಲ್ಲಿ ಗಳಿಸುತ್ತೀರಿ. ತುಳಸಿ, ಆರ್ಟೆಮಿಸಿಯಾ ಆನುವಾ (Artemisia Annua), ಮುಲೇತಿ, ಅಲೋವೆರಾ ಮುಂತಾದ ಗಿಡಮೂಲಿಕೆ ಸಸ್ಯಗಳನ್ನು ಬಹಳ ಕಡಿಮೆ ಸಮಯದಲ್ಲಿ ಬೆಳೆಸಲಾಗುತ್ತದೆ. ಈ ಸಸ್ಯಗಳನ್ನು ಸಣ್ಣ ಮಡಕೆಗಳಲ್ಲಿಯೂ ಬೆಳೆಯಬಹುದು.

ಅವುಗಳನ್ನು ಬೆಳೆಸಲು ಪ್ರಾರಂಭಿಸಲು ನೀವು ಕೆಲವು ಸಾವಿರ ರೂಪಾಯಿಗಳನ್ನು ಮಾತ್ರ ಖರ್ಚು ಮಾಡಬೇಕಾಗುತ್ತದೆ, ಆದರೆ ಲಕ್ಷಗಳಲ್ಲಿ ಗಳಿಸುತ್ತೀರಿ. ಈಗ ಬೆಳೆಗಳನ್ನು ಖರೀದಿಸುವವರೆಗೂ ಒಪ್ಪಂದ ಮಾಡಿಕೊಳ್ಳುವ ಅನೇಕ ಔಷಧೀಯ ಕಂಪನಿಗಳು ದೇಶದಲ್ಲಿವೆ, ಇದರಿಂದ ಆದಾಯ ಖಚಿತ, ರೈತನಿಗೆ ಲಾಸ್ ಆಗುವ ಪ್ರಶ್ನೆಯೇ ಇರುವುದಿಲ್ಲ.

3 ತಿಂಗಳಲ್ಲಿ 3 ಲಕ್ಷ ಗಳಿಕೆ :
ತುಳಸಿ ಸಾಮಾನ್ಯವಾಗಿ ಧಾರ್ಮಿಕ ವಿಷಯಗಳೊಂದಿಗೆ ಸಂಬಂಧ ಹೊಂದಿದೆ, ಆದರೆ ತುಳಸಿಯನ್ನು ಔಷಧೀಯ ಗುಣಗಳ ಸಲುವಾಗಿ ಕೂಡ ಬೆಳೆಸಿ ಇದರಿಂದ ಒಳ್ಳೆ ಆದಾಯ ಗಳಿಸಬಹುದು. ತುಳಸಿಯಲ್ಲಿ ಹಲವಾರು ವಿಧಗಳಿವೆ, ಕಂಪನಿ ಹೇಳುವುದನ್ನು ಬೆಳೆಯಬೇಕು. ತುಳಸಿಯಲ್ಲಿ ಕ್ಯಾನ್ಸರ್ನಂತಹ ಗಂಭೀರ ಕಾಯಿಲೆಗಳಿಗೆ ಔಷಧಿಗಳನ್ನು ತಯಾರಿಸಲಾಗುತ್ತದೆ.

ಒಂದು ಹೆಕ್ಟೇರ್‌ ನಲ್ಲಿ ತುಳಸಿ ಬೆಳೆಯಲು ಕೇವಲ 15 ಸಾವಿರ ರೂಪಾಯಿ ಖರ್ಚಾಗುತ್ತದೆ, ಆದರೆ 3 ತಿಂಗಳ ನಂತರ ಈ ಬೆಳೆ ಸುಮಾರು 3 ಲಕ್ಷ ರೂಪಾಯಿಗಳವರೆಗೆ ಮಾರಾಟವಾಗುತ್ತದೆ.

ಆಯುರ್ವೇದ ಔಷಧಿ ಕಂಪನಿಗಳಾದ ಪತಂಜಲಿ, ಡಾಬರ್, ವೈದ್ಯನಾಥ್ ಇತ್ಯಾದಿ ಕಂಪನಿಗಳು ತುಳಸಿ ಕೃಷಿಗೆ ಸಹ ಗುತ್ತಿಗೆ ನೀಡುತ್ತಿವೆ. ಅವರ ಮೂಲಕ ಮಾತ್ರ ಬೆಳೆ ಖರೀದಿಸುವರು. ತುಳಸಿ ಬೀಜಗಳು ಮತ್ತು ಎಣ್ಣೆಗೆ ದೊಡ್ಡ ಮಾರುಕಟ್ಟೆ ಇದೆ. ಪ್ರತಿದಿನ ತೈಲ ಮತ್ತು ತುಳಸಿ ಬೀಜಗಳನ್ನು ಹೊಸ ದರದಲ್ಲಿ ಮಾರಾಟ ಮಾಡಲಾಗುತ್ತದೆ.

ತರಬೇತಿ ಮುಖ್ಯ :
ಭವಿಷ್ಯದಲ್ಲಿ ನೀವು ಮೋಸಹೋಗದಂತೆ ಉತ್ತಮ ತರಬೇತಿ ಹೊಂದುವುದು ಔಷಧೀಯ ಸಸ್ಯ ಕೃಷಿಗೆ ಮುಖ್ಯವಾಗಿದೆ. ಅನುಕೂಲ ಇರುವ ರೈತರು ಲಕ್ನೋದಲ್ಲಿನ ಸೆಂಟ್ರಲ್ ಇನ್ಸ್ಟಿಟ್ಯೂಟ್ ಆಫ್ ಮೆಡಿಸಿನಲ್ ಅಂಡ್ ಆರೊಮ್ಯಾಟಿಕ್ ಪ್ಲಾಂಟ್ (ಸಿಐಎಎಪಿ) ಇಲ್ಲಿ ತರಬೇತಿ ಪಡೆಯಬಹುದು. ಇದು ರೈತರಿಗೆ ಔಷಧೀಯ ಸಸ್ಯಗಳ ಕೃಷಿಗೆ ತರಬೇತಿ ನೀಡುತ್ತದೆ.

ಅಷ್ಟೇ ಅಲ್ಲ, ಕಂಪನಿಗಳು ನಿಮ್ಮೊಂದಿಗೆ CIMAP ಮೂಲಕವೇ ಒಪ್ಪಂದಗಳಿಗೆ ಸಹಿ ಹಾಕುತ್ತವೆ, ಆದ್ದರಿಂದ ನೀವು ಎಲ್ಲೂ ಹೋಗಬೇಕಾಗಿಲ್ಲ. ಅಲ್ಲಿ ತರಬೇತಿ ಮುಗಿಸಿದರೆ ಮುಂದೆ ನೀವು ಬೆಳೆಯುವ ಬೆಳೆಯನ್ನು ಕೊಂಡುಕೊಳ್ಳುವ ಕಂಪನಿಗಳು ಅಲ್ಲಿಯೇ ಸಿಗುತ್ತವೆ, ಎಲ್ಲವೂ ಅಧಿಕೃತ ಹಾಗೂ ದೊಡ್ಡ ದೊಡ್ಡ ಕಂಪನಿಗಳಾದ್ದರಿಂದ ಮೋಸ ಹೋಗುವ ಚಾನ್ಸೇ ಇರುವುದಿಲ್ಲ. ಆಸಕ್ತ ರೈತರು ಪ್ರಯತ್ನಿಸಿ.

ಕರ್ನಾಟಕದಲ್ಲೂ ಕೂಡ Central Institute Of Medicinal And Aromatic Plants ಯವರ ಕಛೇರಿ Allalasandra, Yelahanka, Bengaluru, Karnataka 560064 ಇಲ್ಲಿ ಇದ್ದು ಅಲ್ಲೂ ವಿಚಾರಿಸಿ ನೋಡಿ. ಕೃ.ವಿ.ವಿ ಯಲ್ಲೂ ಕೂಡ ಇದಕ್ಕೆ ಅಂತಾನೇ ಪ್ರತ್ಯೇಕ ವಿಭಾಗವಿರುತ್ತದೆ, ಅಲ್ಲಿಯೂ ವಿಚಾರಣೆ ಮಾಡಬಹುದು. ಆದರೆ ಯಾವುದೇ ಕಾರಣಕ್ಕೂ ಅಗ್ರಿಮೆಂಟ್ ಇಲ್ಲದೇ ಚಿಕ್ಕಪುಟ್ಟ ಕಂಪನಿಗಳು ಹೇಳಿವೆ ಅಂತ ಬೆಳೆಯಬೇಡಿ, ಅವರು ಮರಳಿ ಕೊಳ್ಳದೇ ಇರಬಹುದು ಅಥವಾ ಕಡಿಮೆ ಬೆಲೆಗೆ ಕೇಳಬಹುದು.
-Team Infotrend