Redmi Note 10S : ಇವೆರಡೂ ಚೀಪ್ ಆ್ಯಡ್ ಬೆಸ್ಟ್ ರೆಡ್ ಮಿ ಫೋನ್
ರೆಡ್ಮಿ ನೋಟ್ 10 ಎಸ್ ಅನ್ನು ಇವತ್ತು ಭಾರತೀಯ ಮಾರುಕಟ್ಟೆಗೆ ಬಿಡುಗಡೆ ಮಾಡಲಾಗಿದೆ. ಇವತ್ತು ಅಂದರೆ ಮೇ 18 ರಂದು ಈ ಸ್ಮಾರ್ಟ್ಫೋನ್ ಮೊದಲ ಬಾರಿಗೆ ಮಾರಾಟಕ್ಕೆ ಲಭ್ಯವಾಯಿತು. ರೆಡ್ ಮಿ ನೋಟ್ 10 ಸರಣಿಯಡಿಯಲ್ಲಿ ಬಿಡುಗಡೆಯಾದ ಇದು ಕಂಪನಿಯ ಬಜೆಟ್ ಸ್ನೇಹಿ ಸ್ಮಾರ್ಟ್ ಫೋನ್ ಆಗಿದ್ದು, ಹಲವು ಉತ್ತಮ ವೈಶಿಷ್ಟ್ಯಗಳನ್ನು ಹೊಂದಿದೆ.
ಇದು ಮೀಡಿಯಾ ಟೆಕ್ ಹೆಲಿಯೊ ಜಿ 95 ಚಿಪ್ ಸೆಟ್ (MediaTek Helio G95) ಹೊಂದಿದ್ದು, ಎರಡು ಸ್ಟೋರೇಜ್ ರೂಪಾಂತರಗಳಲ್ಲಿ ಪರಿಚಯಿಸಲಾಗಿದೆ. ಸ್ಮಾರ್ಟ್ ಫೋನ್ ನ ಬೆಲೆ ಮತ್ತು ಅದರೊಂದಿಗೆ ಲಭ್ಯವಿರುವ ಕೊಡುಗೆಗಳ ವಿವರಗ ಈ ಕೆಳಗೆ ಇವೆ…
ಕೊಡುಗೆಗಳು :
ಈ ಸ್ಮಾರ್ಟ್ಫೋನ್ ಡೀಪ್ ಸೀ ಬ್ಲೂ, ಫ್ರಾಸ್ಟ್ ವೈಟ್ ಮತ್ತು ಶ್ಯಾಡೋ ಬ್ಲ್ಯಾಕ್ ಕಲರ್ ಆಯ್ಕೆಗಳಲ್ಲಿ ಲಭ್ಯವಿದೆ. ಇದನ್ನು ಅಧಿಕೃತ ವೆಬ್ ಸೈಟ್ ಮಿ.ಕಾಮ್ ಮತ್ತು ಇ-ಕಾಮರ್ಸ್ ಸೈಟ್ ಅಮೆಜಾನ್ ನಿಂದ ಖರೀದಿಸಬಹುದು. ಇದಲ್ಲದೆ ಇದು ಆಯ್ದ ರಿಟೇಲರ್ ಅಂಗಡಿಗಳಲ್ಲಿ ಕೂಡ ಮಾರಾಟಕ್ಕೆ ಲಭ್ಯವಿರುತ್ತದೆ.
ಫೋನ್ ನೊಂದಿಗೆ ಸ್ವೀಕರಿಸುವ ಕೊಡುಗೆಗಳ ಕುರಿತು ಹೇಳುವುದಾದರೆ, ಬಳಕೆದಾರರು ಎಸ್ಬಿಐ ಕ್ರೆಡಿಟ್ ಕಾರ್ಡ್ ನೊಂದಿಗಿನ ವಹಿವಾಟಿನ ಮೇಲೆ ಶೇಕಡಾ 10 ರಷ್ಟು ತ್ವರಿತ ರಿಯಾಯಿತಿಯ ಲಾಭವನ್ನು ಪಡೆಯುತ್ತಾರೆ. ಆದರೆ ಇದನ್ನು ಇಎಂಐ ವಹಿವಾಟಿನಲ್ಲಿ ಮಾತ್ರ ಪಡೆಯಬಹುದು.
ವಿಶೇಷಣಗಳು :
ರೆಡ್ಮಿ ನೋಟ್ 10 ಎಸ್ ಆಂಡ್ರಾಯ್ಡ್ 11 ಓಎಸ್ ಅನ್ನು ಆಧರಿಸಿದೆ ಮತ್ತು ಆಕ್ಟಾ-ಕೋರ್ ಮೀಡಿಯಾ ಟೆಕ್ ಹೆಲಿಯೊ ಜಿ 95 ಚಿಪ್ ಸೆಟ್ ನಲ್ಲಿ ಪರಿಚಯಿಸಲಾಗಿದೆ. ಇದು 6.43 ಇಂಚಿನ ಪೂರ್ಣ ಎಚ್ಡಿ + ಅಮೋಲೆಡ್ ಡಿಸ್ಪ್ಲೇಯನ್ನು 1,080 × 2,400 ಪಿಕ್ಸೆಲ್ ಗಳ ಸ್ಕ್ರೀನ್ ರೆಸಲ್ಯೂಶನ್ ಹೊಂದಿದೆ.
ಇದು ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ 3 ನೊಂದಿಗೆ ರಕ್ಷಿತವಾಗಿದ್ದು. ಈ ಫೋನ್ ಡ್ಯುಯಲ್ ಸ್ಪೀಕರ್ ಮತ್ತು ಹೈ-ರೆಸ್ (Hi-Res) ಆಡಿಯೊ ಪ್ರಮಾಣೀಕರಣದೊಂದಿಗೆ ಬರುತ್ತದೆ. ಪವರ್ ಬ್ಯಾಕಪ್ ಗಾಗಿ, ಇದು 33W ಫಾಸ್ಟ್ ಚಾರ್ಜಿಂಗ್ ಬೆಂಬಲದೊಂದಿಗೆ 5,000mAh ಬ್ಯಾಟರಿಯನ್ನು ಹೊಂದಿದೆ.
ಕ್ಯಾಮೆರಾ :
ಛಾಯಾಗ್ರಹಣಕ್ಕಾಗಿ ರೆಡ್ಮಿ ನೋಟ್ 10 ಎಸ್ ಸ್ಮಾರ್ಟ್ ಫೋನ್ ನಲ್ಲಿ ನಾಲ್ಕು ಬ್ಯಾಕ್ ಕ್ಯಾಮೆರಾಗಳನ್ನು ನೀಡಲಾಗಿದೆ. ಇದರ ಮುಖ್ಯ ಕ್ಯಾಮೆರಾ 64 ಎಂಪಿ ಇದ್ದು, ಇದು 8 ಎಂಪಿ ಅಲ್ಟ್ರಾ ವೈಡ್ ಆಂಗಲ್ ಲೆನ್ಸ್, 2 ಎಂಪಿ ಮ್ಯಾಕ್ರೋ ಶೂಟರ್ ಮತ್ತು 2 ಎಂಪಿ ಡೆಪ್ತ್ ಸೆನ್ಸಾರ್ ಹೊಂದಿದೆ. ಫೋನ್ 13 ಎಂಪಿ ಫ್ರಂಟ್ ಕ್ಯಾಮೆರಾವನ್ನು ಹೊಂದಿದ್ದು, ಸೆಲ್ಫಿ ಮತ್ತು ವಿಡಿಯೋ ಕರೆಗಾಗಿ ಪಂಚ್ ಹೋಲ್ ಕಟೌಟ್ ಹೊಂದಿದೆ.
ಬೆಲೆ :
ಈಗ ಮುಖ್ಯ ವಿಷಯಕ್ಕೆ ಬರುವುದಾದರೆ, ರೆಡ್ ಮಿ ನೋಟ್ 10 ಎಸ್ನ 6 ಜಿಬಿ + 64 ಜಿಬಿ ಸ್ಟೋರೇಜ್ ಇರುವ ಫೋನಿನ ಬೆಲೆ 14,999 ರೂ., ಹಾಗೆಯೇ 6 ಜಿಬಿ + 128 ಜಿಬಿ ಸ್ಟೋರೇಜ್ ಇರುವ ಮಾದರಿ ಫೋನ್ ಬೆಲೆ 15,999 ರೂ. ಈ ಬಜೆಟ್ ನಲ್ಲಿ ಇವೆರಡು ಫೋನ್ ಅತ್ಯುತ್ತಮ ಆಯ್ಕೆ ಅನ್ನಬಹುದು.
-Team Infotrend
