ಬಲಶಾಲಿ ಬ್ಯಾಟರಿ ಹಾಗೂ 48 ಎಂಪಿ ಕ್ಯಾಮೆರಾ ಹೊಂದಿರುವ ಅಗ್ಗದ ಸ್ಮಾರ್ಟ್‌ ಫೋನ್ ಬಿಡುಗಡೆ

By admin — ON Jun 12, 2021

ಯಾವಾಗಲೂ ಮಾರುಕಟ್ಟೆಯಲ್ಲಿ ಕಡಿಮೆ ವೆಚ್ಚದಲ್ಲಿ ಹೆಚ್ಚಿನ ವೈಶಿಷ್ಟ್ಯಗಳನ್ನು ಹೊಂದಿರುವ ಸ್ಮಾರ್ಟ್‌ ಫೋನ್‌ ಗಳನ್ನು ಬಿಡುಗಡೆ ಮಾಡುವುದು ಟೆಕ್ನೋ ಭಾರತದ ಪ್ರಯತ್ನವಾಗಿರುತ್ತದೆ. ಇದೇ ರೀತಿ ಮುಂದೆ ಸಾಗುತ್ತಿರುವ ಕಂಪನಿಯು ಟೆಕ್ನೋ ಸ್ಪಾರ್ಕ್ 7 ಟಿ ಅನ್ನು ಬಿಡುಗಡೆ ಮಾಡಿದೆ. ಟೆಕ್ನೋ ಸ್ಪಾರ್ಕ್ 7 ಟಿ 48 ಎಂಪಿ ಕ್ಯಾಮೆರಾ ಹೊಂದಿರುವ ಭಾರತದ ಅಗ್ಗದ ಸ್ಮಾರ್ಟ್‌ಫೋನ್ ಆಗಿದೆ. ಈ ಫೋನ್‌ನಲ್ಲಿ 6000 mAh ದೊಡ್ಡ ಬ್ಯಾಟರಿಯನ್ನು ಸಹ ನೀಡಲಾಗಿದೆ.

TECNO SPARK 7T ಯ ಕ್ಯಾಮೆರಾವನ್ನು ಅನೇಕ ವೃತ್ತಿಪರ ವಿಧಾನಗಳೊಂದಿಗೆ ವಿನ್ಯಾಸಗೊಳಿಸಲಾಗಿದೆ. ಟೆಕ್ನೋ ಸ್ಪಾರ್ಕ್ 7 ಟಿ ಟೆಕ್ನೋ ಈ ವರ್ಷ ಏಪ್ರಿಲ್‌ ನಲ್ಲಿ ಭಾರತದಲ್ಲಿ ಬಿಡುಗಡೆ ಮಾಡಲಾಗಿದ್ದ ಸ್ಪಾರ್ಕ್ 7 ನ ಅಪ್‌ ಗ್ರೇಡ್ ಆವೃತ್ತಿಯಾಗಿದೆ. ಟೆಕ್ನೋ ಸ್ಪಾರ್ಟ್ ಸರಣಿಯು ಕಂಪನಿಯ ಭಾರತದಲ್ಲಿ ಹೆಚ್ಚು ಮಾರಾಟವಾದ ಸಿರೀಸ್ ಇದು.

ರೆಡ್ಮಿ, ಮೈಕ್ರೋಮ್ಯಾಕ್ಸ್, ರಿಯಾಲಿಟಿ ಮುಂತಾದ ಕಂಪನಿಗಳ ಸ್ಮಾರ್ಟ್‌ ಫೋನ್‌ ಗಳೊಂದಿಗೆ ಟೆಕ್ನೋ ಸ್ಪಾರ್ಕ್ 7 ಟಿ ಸ್ಪರ್ಧಿಸಲಿದೆ. ಭಾರತದ ಅಗ್ಗದ 48 ಮೆಗಾಪಿಕ್ಸೆಲ್ ಕ್ಯಾಮೆರಾ ಫೋನ್‌ ನ ಬೆಲೆ ಮತ್ತು ಎಲ್ಲಾ ವೈಶಿಷ್ಟ್ಯಗಳ ಬಗ್ಗೆ ತಿಳಿದುಕೊಳ್ಳೋಣ …

TECNO SPARK 7T ಬೆಲೆ :
ಟೆಕ್ನೋ ಸ್ಪಾರ್ಕ್ 7 ಟಿ ಬೆಲೆ 8,999 ರೂ. ಈ ಬೆಲೆಯಲ್ಲಿ 4 ಜಿಬಿ RAM ನೊಂದಿಗೆ 64 ಜಿಬಿ ಸ್ಟೊರೇಜ್ ಲಭ್ಯವಿರುತ್ತದೆ. ಫೋನ್ ಮಾರಾಟ ಜೂನ್ 15 ರಿಂದ ಅಮೆಜಾನ್ ಇಂಡಿಯಾದಿಂದ ನಡೆಯಲಿದೆ. ಲಾಂಚ್ ಆಫರ್ ಅಡಿಯಲ್ಲಿ, ಮೊದಲ ದಿನ ಅಂದರೆ ಜೂನ್ 15 ರಂದು ಈ ಫೋನ್ ಅನ್ನು 7,999 ರೂಗಳಿಗೆ ಖರೀದಿಸಬಹುದು. ಫೋನ್ ಮಾರಾಟವು ಜ್ಯುವೆಲ್ ಬ್ಲೂ, ಲೆಮನ್ ಆರೆಂಜ್ ಮತ್ತು ಮ್ಯಾಗ್ನೆಟ್ ಬ್ಲ್ಯಾಕ್‌ ನಲ್ಲಿರುತ್ತದೆ.

TECNO SPARK 7T ಯ ವಿಶೇಷಣಗಳು :
ಆಂಡ್ರಾಯ್ಡ್ 11 ಆಧಾರಿತ ಹಿಯೋಸ್ ವಿ 7.6 (HiOS v7.6) ಅನ್ನು ಈ ಫೋನ್‌ ನಲ್ಲಿ ನೀಡಲಾಗಿದೆ. ಇದಲ್ಲದೆ ಇದು 6.52-ಇಂಚಿನ ಎಚ್ಡಿ ಪ್ಲಸ್ ಡಾಟ್ ನಾಚ್ ಐಪಿಎಸ್ ಡಿಸ್ಪ್ಲೇ ಹೊಂದಿದ್ದು, ಇದು 720×1600 ಪಿಕ್ಸೆಲ್‌ಗಳ ರೆಸಲ್ಯೂಶನ್ ಹೊಂದಿದೆ. ಫೋನ್‌ನಲ್ಲಿ ಮೀಡಿಯಾ ಟೆಕ್ ಹೆಲಿಯೊ ಜಿ 35 ಪ್ರೊಸೆಸರ್, 4 ಜಿಬಿ ಡಿಡಿಆರ್ 4 ಎಕ್ಸ್ ರ್ಯಾಮ್ ಮತ್ತು 64 ಜಿಬಿ ಸ್ಟೋರೇಜ್ ಇದ್ದು, ಇದನ್ನು ಮೆಮೊರಿ ಕಾರ್ಡ್ ಸಹಾಯದಿಂದ 512 ಜಿಬಿ ವರೆಗೆ ವಿಸ್ತರಿಸಬಹುದು.

ಟೆಕ್ನೋ ಸ್ಪಾರ್ಕ್ 7 ಟಿ ಕ್ಯಾಮೆರಾ
ಟೆಕ್ನೊದ ಈ ಫೋನ್ ಮೂರು ಹಿಂದಿನ ಕ್ಯಾಮೆರಾಗಳನ್ನು ಹೊಂದಿದೆ, ಅದರಲ್ಲಿ ಪ್ರೈಮರಿ ಕ್ಯಾಮೆರಾ 48 ಮೆಗಾಪಿಕ್ಸೆಲ್‌ಗಳು, ಎರಡನೇ ಲೆನ್ಸ್ ವಿಜಿಎ ಮತ್ತು ಮೂರನೆಯದು ಎಐ ಲೆನ್ಸ್. ಕ್ಯಾಮೆರಾದೊಂದಿಗೆ ಕ್ವಾಡ್ ಫ್ಲ್ಯಾಷ್ ಲೈಟ್ ಒದಗಿಸಲಾಗಿದೆ. ಎಐ ಬ್ಯೂಟಿ ಮೋಡ್, ಸ್ಮೈಲ್ ಶಾಟ್, ಪೋರ್ಟ್ರೇಟ್, ಎಚ್‌ಡಿಆರ್, 10 ಎಕ್ಸ್ ಜೂಮ್ ಮತ್ತು ಸ್ಲೋ ಮೋಷನ್‌ನಂತಹ ಹಲವು ವೈಶಿಷ್ಟ್ಯಗಳು ಕ್ಯಾಮೆರಾದೊಂದಿಗೆ ಲಭ್ಯವಿರುತ್ತವೆ. ಸೆಲ್ಫಿಗಾಗಿ, ಈ ಫೋನ್ 8 ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ಡ್ಯುಯಲ್ ಫ್ಲ್ಯಾಷ್ ನೊಂದಿಗೆ ಹೊಂದಿದೆ.

ಟೆಕ್ನೋ ಸ್ಪಾರ್ಕ್ 7 ಟಿ ಬ್ಯಾಟರಿ :
ಫೋನ್ ಬಲಶಾಲಿಯಾದ 6000mAh ಬ್ಯಾಟರಿಯನ್ನು ಹೊಂದಿದೆ. ಇದು 29 ಗಂಟೆಗಳ ವೀಡಿಯೊ ಪ್ಲೇಬ್ಯಾಕ್ ಅನ್ನು ಒದಗಿಸುತ್ತದೆ ಎಂದು ಹೇಳಲಾಗಿದೆ. ಈ ಫೋನ್ ಟ್ರಿಪಲ್ ಕಾರ್ಡ್ ಸ್ಲಾಟ್ ಅನ್ನು ಹೊಂದಿದೆ, ಇದರರ್ಥ ನೀವು ಒಂದು ಸಮಯದಲ್ಲಿ ಎರಡು ಸಿಮ್‌ ಗಳೊಂದಿಗೆ ಒಂದು ಮೆಮೊರಿ ಕಾರ್ಡ್ ಅನ್ನು ಬಳಸಲು ಸಾಧ್ಯವಾಗುತ್ತದೆ. ಫೋನ್‌ ನಲ್ಲಿ 2 ಜಿ, 3 ಜಿ, 4 ಜಿ ಎಲ್‌ಟಿಇ, ಡ್ಯುಯಲ್ ಬ್ಯಾಂಡ್ ವೈ-ಫೈ, ಜಿಪಿಎಸ್ ಮತ್ತು 3.5 ಎಂಎಂ ಹೆಡ್‌ ಫೋನ್ ಜ್ಯಾಕ್ ಇದೆ.
-Team Infotrend