ಕ್ರೆಡಿಟ್ ಕಾರ್ಡ್ ಎಂದರೇನು? ಇಲ್ಲಿದೆ ಸಂಪೂರ್ಣ ಮಾಹಿತಿ!

ಇಂದಿನ ಯುಗದಲ್ಲಿ ಕ್ರೆಡಿಟ್ ಕಾರ್ಡ್ ದೈನಂದಿನ ಅಗತ್ಯವಾಗಿದೆ. ಜನರು ಶಾಪಿಂಗ್‌ನಿಂದ ಹಿಡಿದು, ಕರೆಂಟ್ ಬಿಲ್, ಮೊಬೈಲ್ ಬಿಲ್, ಟಿವಿ ರಿಚಾರ್ಜ್ ಹೀಗೆ ಅನೇಕ ಪ್ರಮುಖ ಉದ್ದೇಶಗಳಿಗಾಗಿ ಕ್ರೆಡಿಟ್ ಕಾರ್ಡ್‌ಗಳನ್ನು ಬಳಸುತ್ತಾರೆ. ಕ್ರೆಡಿಟ್ ಕಾರ್ಡ್ ಎಂದರೇನು? ಕ್ರೆಡಿಟ್ ಕಾರ್ಡ್ ಹೇಗೆ ಬಳಸಬೇಕು? ಕ್ರೆಡಿಟ್ ಕಾರ್ಡ್ ಅನುಕೂಲಗಳು ಮತ್ತು ಅನಾನುಕೂಲಗಳು ಯಾವುವು? ಮುಂತಾದ ಮಾಹಿತಿಯನ್ನು ತಿಳಿಯುವುದು ಅಗತ್ಯವಾಗಿದೆ, ಈ ಲೇಖನದ ಮೂಲಕ ನಾವು ನಿಮಗೆ ಆ ನಿಟ್ಟಿನಲ್ಲಿ ಸಹಾಯ ಮಾಡಲಿದ್ದೇವೆ.

ಕ್ರೆಡಿಟ್ ಕಾರ್ಡ್ ಎಂದರೇನು

ಕ್ರೆಡಿಟ್ ಕಾರ್ಡ್ ಎಂದರೇನು? (What is Credit Card?)

ಕ್ರೆಡಿಟ್ ಕಾರ್ಡ್ ಎಂದರೆ ಸಾಲದ ಕಾರ್ಡ್ ಅನ್ನಬಹುದು, ಇದು ಸಣ್ಣ ಪ್ಲಾಸ್ಟಿಕ್ ಕಾರ್ಡ್, ವಿಶೇಷ ಪಾವತಿ ವ್ಯವಸ್ಥೆಯ ಉದ್ದೇಶದಿಂದ ಬ್ಯಾಂಕ್ ಗ್ರಾಹಕರಿಗೆ ಇವುಗಳನ್ನು ನೀಡುತ್ತದೆ. ಈ ಕಾರ್ಡ್‌ನ ಸಹಾಯದಿಂದ, ಗ್ರಾಹಕರು ಸರಕು ಅಥವಾ ಸೇವೆಗಳನ್ನು ಖರೀದಿಸಬಹುದು ಮತ್ತು ನಂತರ ಅದನ್ನು ಪಾವತಿಸಬಹುದು. ಅಂದರೆ ಈ ಕಾರ್ಡ್ ಮೂಲಕ ನೀವು ನಿಮ್ಮ ಅಗತ್ಯಗಳನ್ನು ಸೀಮಿತ ಪ್ರಮಾಣದಲ್ಲಿ ಪೂರೈಸಿಕೊಳ್ಳಬಹುದು. ತೀರ ಬೇಕೆಂದಾಗ ನೀವು ಕ್ರೆಡಿಟ್ ಕಾರ್ಡ್ ನಿಂದ ಹಣವನ್ನು ಕೂಡ ಪಡೆಯಬಹುದು. ಈ ರೀತಿಯಾಗಿ ಕ್ರೆಡಿಟ್ ಕಾರ್ಡ್ ಹೊಂದಿರುವವರು ಬ್ಯಾಂಕ್ ಬ್ಯಾಲೆನ್ಸ್ ಇಲ್ಲದಿದ್ದರೂ ಯಾವುದೇ ತೊಂದರೆಯಿಲ್ಲದೆ ತಮ್ಮ ಅಗತ್ಯಗಳನ್ನು ಪೂರೈಸಿಕೊಳ್ಳಬಹುದು. ಆದಾಗ್ಯೂ ಕ್ರೆಡಿಟ್ ಕಾರ್ಡ್‌ಗಳನ್ನು ಯಾವಾಗಲೂ ಅಗತ್ಯ ಸಂದರ್ಭಗಳಲ್ಲಿ ಮಾತ್ರ ಬಳಸಬೇಕು. ಇಲ್ಲದಿದ್ದರೆ ಇದು ಭವಿಷ್ಯದಲ್ಲಿ ನಿಮ್ಮ ಒತ್ತಡವನ್ನು ಗಣನೀಯವಾಗಿ ಹೆಚ್ಚಿಸಬಹುದು.

ಕ್ರೆಡಿಟ್ ಅರ್ಥ

ಈ ಪದ ಒಂದಕ್ಕಿಂತ ಹೆಚ್ಚು ಅರ್ಥಗಳನ್ನು ಹೊಂದಿದೆ, ಆದರೆ ಹೆಚ್ಚಿನ ಜನರು ಸಾಲಗಾರರಿಂದ ಅಥವಾ ಹಣಕಾಸು ಸಂಸ್ಥೆಗಳಿಂದ ಸಾಲವನ್ನು ಪಡೆಯುವುದಕ್ಕೆ ಕ್ರೆಡಿಟ್ ಎಂದು ಭಾವಿಸುತ್ತಾರೆ.

ಎಷ್ಟು ವಿಧದ ಕ್ರೆಡಿಟ್ ಕಾರ್ಡ್‌ಗಳಿವೆ? (How many types of credit cards are there?)

• ಜನರಲ್ ಕ್ರೆಡಿಟ್ ಕಾರ್ಡ್ (General credit card)
• ಫೀಚರ್ಡ್ ಕ್ರೆಡಿಟ್ ಕಾರ್ಡ್ (Featured Credit Card)
• ಬಿಸಿನೆಸ್ ಕ್ರೆಡಿಟ್ ಕಾರ್ಡ್ (Business credit card)
• ಸ್ಪೆಷಲ್ ಕ್ರೆಡಿಟ್ ಕಾರ್ಡ್ (Special credit card)

ಕ್ರೆಡಿಟ್ ಕಾರ್ಡ್ ಮತ್ತು ಡೆಬಿಟ್ ಕಾರ್ಡ್ ನಡುವಿನ ವ್ಯತ್ಯಾಸವೇನು? (What is the difference between credit card and debit card?)

ಕ್ರೆಡಿಟ್ ಕಾರ್ಡ್ ಮತ್ತು ಡೆಬಿಟ್ ಕಾರ್ಡ್ ನಡುವಿನ ದೊಡ್ಡ ವ್ಯತ್ಯಾಸವೆಂದರೆ ನೀವು ಡೆಬಿಟ್ ಕಾರ್ಡ್ ಅನ್ನು ಬಳಸಿದಾಗ ಹಣವನ್ನು ನೇರವಾಗಿ ನಿಮ್ಮ ಬ್ಯಾಂಕ್ ಖಾತೆಯಿಂದ ತಕ್ಷಣ ಕಡಿತಗೊಳಿಸಲಾಗುತ್ತದೆ. ಆದರೆ ನೀವು ಕ್ರೆಡಿಟ್ ಕಾರ್ಡ್ ಅನ್ನು ಬಳಸಿದರೆ, ಈ ಹಣವನ್ನು ಮೊದಲೇ ನಿಗಧಿಪಡಿಸಿದ ದಿನದಂದು ಕಡಿತಗೊಳಿಸಲಾಗುತ್ತದೆ, ಖಾತೆಯಲ್ಲಿ ಹಣವಿದ್ದರೆ ಮಾತ್ರ ಡೆಬಿಟ್ ಕಾರ್ಡ್ ಬಳಸಬಹುದು, ಆದರೆ ಕ್ರೆಡಿಟ್ ಕಾರ್ಡ್ ಬಳಸಬೇಕೆಂದರೆ ಖಾತೆಯಲ್ಲಿ ಹಣವಿಲ್ಲದಿದ್ದರೂ ನಡೆಯುತ್ತದೆ.

ಕ್ರೆಡಿಟ್ ಕಾರ್ಡ್ ಉಪಯೋಗಗಳು ಅಥವಾ ಕ್ರೆಡಿಟ್ ಕಾರ್ಡ್ ಅನುಕೂಲಗಳು (Benefits of Credit Card)

ಕಡಿಮೆ ಬ್ಯಾಂಕ್ ಬ್ಯಾಲೆನ್ಸ್‌ನ ಸಂದರ್ಭದಲ್ಲಿಯೂ ಸಹ ಖರಿದಿ ಮಾಡಲು ಕ್ರೆಡಿಟ್ ಕಾರ್ಡ್ ನೆರವಾಗುತ್ತದೆ. ಇಲ್ಲಿ ನೀವು ಅನೇಕ ಬಡ್ಡಿ ರಹಿತ ಕ್ರೆಡಿಟ್‌ಗಳ ಪ್ರಯೋಜನವನ್ನು ಸಹ ಪಡೆಯುತ್ತೀರಿ. ಕ್ರೆಡಿಟ್ ಕಾರ್ಡ್‌ಗಳನ್ನು ಆನ್‌ಲೈನ್ ಶಾಪಿಂಗ್, ಶಾಪಿಂಗ್ ಮತ್ತು ಆಫ್‌ಲೈನ್ ಸ್ಟೋರ್‌ಗಳಲ್ಲಿ ಪಾವತಿ ಮಾಡಲು ಬಳಸಬಹುದು. ನಿಗದಿತ ಮಿತಿಯವರೆಗೆ ನೀವು ಕ್ರೆಡಿಟ್ ಕಾರ್ಡ್ ಮೂಲಕ ಸಾಲ ಪಡೆಯಬಹುದು, ಅಂದರೆ ಎಟಿಎಮ್ ಮೂಲಕ ಹಣ ಕೂಡ ಪಡೆಯಬಹುದು. ಇದಲ್ಲದೆ ನೀವು ಅನೇಕ ಕ್ಯಾಶ್‌ಬ್ಯಾಕ್‌ಗಳು ಮತ್ತು ರಿಯಾಯಿತಿಗಳನ್ನು ಸಹ ಪಡೆಯಬಹುದು.

ಕ್ರೆಡಿಟ್ ಕಾರ್ಡ್‌ಗಳ ಅನಾನುಕೂಲಗಳು ಯಾವುವು? (What are the disadvantages of credit cards?)

ನೀವು ಕ್ರೆಡಿಟ್ ಕಾರ್ಡ್ ಬಳಸುವಾಗ ನಿಮ್ಮ ಬ್ಯಾಂಕ್‌ಗೆ ನೀವು ಬಡ್ಡಿ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ. ಆದರೆ ಡೆಬಿಟ್ ಕಾರ್ಡ್‌ ಬಳಸುವಾಗ ಅಂತಹ ಯಾವುದೇ ನಿಯಮಿತ ಶುಲ್ಕ ಇರುವುದಿಲ್ಲ. ಇನ್ನೊಂದು ಅನಾನುಕೂಲವೆಂದರೆ, ಈಗ ಜನರು ಅನೇಕ ಬ್ಯಾಂಕ್‌ಗಳ ಕ್ರೆಡಿಟ್ ಕಾರ್ಡ್‌ಗಳನ್ನು ಹೊಂದಿದ್ದಾರೆ, ಈ ಕಾರಣದಿಂದಾಗಿ ಬಿಲ್ ಪಾವತಿಯ ಕೊನೆಯ ದಿನಾಂಕವನ್ನು ನೆನಪಿಟ್ಟುಕೊಳ್ಳುವುದು ಸ್ವಲ್ಪ ಸವಾಲಿನ ಕೆಲಸ, ಸರಿಯಾದ ಸಮಯಕ್ಕೆ ಬಿಲ್ ಪಾವತಿಸದಿದ್ದರೆ ನಿಮ್ಮನ್ನು ಡೀಫಾಲ್ಟರ್ ಎಂದು ಪರಿಗಣಿಸಬಹುದು. ಅಂತಹ ಪರಿಸ್ಥಿತಿಯಲ್ಲಿ, ಕ್ರೆಡಿಟ್ ಕಾರ್ಡ್ ನಿಮ್ಮನ್ನು ಸಾಲದಲ್ಲಿ ಸಿಲುಕಿಸುತ್ತದೆ, ಆಗಾಗ ಹಲವು ನೆಪಗಳನ್ನೊಡ್ಡಿ ನಾವು ಕಟ್ಟಬೇಕಾದ ಮೊತ್ತವನ್ನು ಏರಿಸುತ್ತಲೇ ಹೋಗುತ್ತಾರೆ. ನಿಮ್ಮ CIBIL ಸ್ಕೋರ್ ಮೇಲೆ ಕೂಡ ಇದು ಹೆಚ್ಚು ಪರಿಣಾಮ ಬೀರುತ್ತದೆ. ಕ್ರೆಡಿಟ್ ಕಾರ್ಡ್ ಬಿಲ್ ಪಾವತಿಸಲು ನೀವು ಸುಮಾರು 60 ದಿನಗಳನ್ನು ಪಡೆಯುತ್ತೀರಿ ಅಷ್ಟರಲ್ಲಿ ಸರಿಯಾಗಿ ತುಂಬುವ ಹಾಗಿದ್ದರೆ ಮಾತ್ರ ಕ್ರೆಡಿಟ್ ಕಾರ್ಡ್ ಪಡೆದುಕೊಳ್ಳಿ.

ನಿಮ್ಮ ಖಾತೆಯಲ್ಲಿ ಹಣವಿಲ್ಲದಿದ್ದರೆ ನೀವು ಡೆಬಿಟ್ ಕಾರ್ಡ್ ಮೂಲಕ ಹಣ ಪಡೆಯಲು ಅಥವಾ ಶಾಪಿಂಗ್ ಮಾಡಲು ಹೇಗೆ ಸಾಧ್ಯವಿಲ್ಲವೋ ಹಾಗೆಯೇ ನೀವು ಕ್ರೆಡಿಟ್ ಕಾರ್ಡ್‌ ಬಿಲ್ ಕಟ್ಟದಿದ್ದರೆ ನಿಮಗೆ ಅದನ್ನು ಬಳಸಲು ಆಗುವುದಿಲ್ಲ ಮತ್ತು ನೀವು ಖರ್ಚು ಮಾಡಿದ ಹಣಕ್ಕೆ ಬಡ್ಡಿಯನ್ನು ವಿಧಿಸಲಾಗುತ್ತದೆ. ನಿಮ್ಮ ಕ್ರೆಡಿಟ್ ಕಾರ್ಡ್‌ನಲ್ಲಿ ನೀವು ಸಾಲವನ್ನು ತೆಗೆದುಕೊಂಡು ಅದನ್ನು ಸಮಯಕ್ಕೆ ಸರಿಯಾಗಿ ಮರುಪಾವತಿ ಮಾಡದಿದ್ದರೆ ಬ್ಯಾಂಕ್‌ನಿಂದ ಬಡ್ಡಿಯನ್ನು ವಿಧಿಸಲಾಗುತ್ತದೆ.

ಕ್ರೆಡಿಟ್ ಕಾರ್ಡ್‌ಗೆ ಎಷ್ಟು ಬಡ್ಡಿ ವಿಧಿಸಲಾಗುತ್ತದೆ? (How much interest is charged on a credit card)

ಸಾಮಾನ್ಯವಾಗಿ ಕ್ರೆಡಿಟ್ ಕಾರ್ಡ್‌ಗಳ ಮೇಲಿನ ಬಡ್ಡಿ ದರವು ತಿಂಗಳಿಗೆ 2.5 ಪ್ರತಿಶತದಿಂದ 3.5 ಪ್ರತಿಶತ ಇರುತ್ತದೆ, ಆದರೆ ಇದು ಬ್ಯಾಂಕ್‌ನಿಂದ ಬ್ಯಾಂಕ್‌ಗೆ ಬದಲಾಗುತ್ತದೆ.

ಕ್ರೆಡಿಟ್ ಕಾರ್ಡ್ ಪಡೆಯಲು ಯಾವ ದಾಖಲೆಗಳು ಬೇಕಾಗುತ್ತವೆ? (What documents are required to get a credit card?)

ಕ್ರೆಡಿಟ್ ಕಾರ್ಡ್ ಪಡೆಯಲು ನಿಮ್ಮ ಬ್ಯಾಂಕ್ ಖಾತೆಯೊಂದಿಗೆ ಆಧಾರ್ ಕಾರ್ಡ್, ಡ್ರೈವಿಂಗ್ ಲೈಸೆನ್ಸ್, ಮತದಾರರ ಗುರುತಿನ ಚೀಟಿ, ಪಾಸ್‌ಪೋರ್ಟ್‌ನಂತಹ ಹಲವು ದಾಖಲೆಗಳು ಬೇಕಾಗುತ್ತವೆ. ನೀವು ಕ್ರೆಡಿಟ್ ಕಾರ್ಡ್ ತೆಗೆದುಕೊಳ್ಳಲು ಯೋಜಿಸುತ್ತಿದ್ದರೆ, ನೀವು ಕನಿಷ್ಟ 18 ವರ್ಷ ವಯಸ್ಸಿನವರಾಗಿರಬೇಕು. ಕ್ರೆಡಿಟ್ ಕಾರ್ಡ್ ಪಡೆಯಲು, ನೀವು ನಿಯಮಿತ ಆದಾಯದ ಮೂಲವನ್ನು ಹೊಂದಿರುವುದು ಕಡ್ಡಾಯವಾಗಿದೆ ಮತ್ತು ನೀವು ಯಾವುದೇ ಕೆಟ್ಟ ಕ್ರೆಡಿಟ್ ಇತಿಹಾಸವನ್ನು ಹೊಂದಿರಬಾರದು.

ಕ್ರೆಡಿಟ್ ಕಾರ್ಡ್ ಪಡೆಯುವುದು ಹೇಗೆ? (How to get a credit card?)

ನೀವು ಯಾವ ಬ್ಯಾಂಕ್ ಖಾತೆಯನ್ನು ಹೊಂದಿದ್ದೀರೋ ಅದರ ವೆಬ್‌ಸೈಟ್‌ಗೆ ಭೇಟಿ ನೀಡುವ ಮೂಲಕ ನೀವು ಆನ್‌ಲೈನ್‌ನಲ್ಲಿ ಕ್ರೆಡಿಟ್ ಕಾರ್ಡ್‌ಗಾಗಿ ಅರ್ಜಿ ಸಲ್ಲಿಸಬಹುದು. ಅರ್ಜಿ ಸಲ್ಲಿಸಿದ ನಂತರ, ಬ್ಯಾಂಕ್ ಪ್ರತಿನಿಧಿ ನಿಮಗೆ ಕರೆ ಮಾಡುತ್ತಾರೆ ಮತ್ತು ಕೆಲವು ಪ್ರಮುಖ ಮಾಹಿತಿಯನ್ನು ಕೇಳುತ್ತಾರೆ. ಇದರ ನಂತರ ನಿಮ್ಮ ಬ್ಯಾಂಕ್ ನಿಮ್ಮ ಅರ್ಜಿಯನ್ನು ಸ್ವೀಕರಿಸುತ್ತದೆ ಮತ್ತು ಕೆಲವು ದಿನಗಳ ನಂತರ ನಿಮಗೆ ತಿಳಿಸುತ್ತದೆ. ನಿಮ್ಮ ಅರ್ಜಿಯನ್ನು ತಿರಸ್ಕರಿಸಿದರೆ ಅದರ ಕಾರಣವನ್ನು ಸಹ ಬ್ಯಾಂಕ್ ವಿವರಿಸುತ್ತದೆ. ನೀವು ಆನ್‌ಲೈನ್ ಬ್ಯಾಂಕಿಂಗ್ ಅನ್ನು ಬಳಸುತ್ತಿದ್ದರೆ, ನೀವು ಆನ್‌ಲೈನ್‌ನಲ್ಲಿ ಕ್ರೆಡಿಟ್ ಕಾರ್ಡ್‌ಗಾಗಿ ಸುಲಭವಾಗಿ ಅರ್ಜಿ ಸಲ್ಲಿಸಬಹುದು.

ಕ್ರೆಡಿಟ್ ಕಾರ್ಡ್ ಲಿಮಿಟ್ ಎಂದರೇನು (What Is Credit Limit?)

ಹಣಕಾಸು ಸಂಸ್ಥೆಯಿಂದ ಗ್ರಾಹಕರಿಗೆ ನಿಗದಿಪಡಿಸಿದ ಗರಿಷ್ಠ ಕ್ರೆಡಿಟ್ ಮೊತ್ತಕ್ಕೆ ಕ್ರೆಡಿಟ್ ಲಿಮಿಟ್ ಎನ್ನಲಾಗುತ್ತದೆ. ಅಂದರೆ ನಿಮಗೆ ಕ್ರೆಡಿಟ್ ಕಾರ್ಡ್ ಕೊಡುವ ಬ್ಯಾಂಕ್ ನಿಮ್ಮ ಮೊದಲಿನ ವ್ಯವಹಾರವನ್ನು ಗಮನಿಸಿ ನಿಮಗೆ ಇಂತಿಷ್ಟೇ ಅಂತ ಮಿತಿ ಹಾಕಿದ ಕಾರ್ಡ್ ಕೊಡುತ್ತಾರೆ. ಉದಾಹರಣೆಗೆ ನಿಮ್ಮ ಕಾರ್ಡ್ ಲಿಮಿಟ್ 1 ಲಕ್ಷವಿದ್ದರೆ ನೀವು ಅಷ್ಟು ಮಾತ್ರ ಬಳಸಬಹುದು. ಕ್ರೆಡಿಟ್ ಲಿಮಿಟ್ ಗ್ರಾಹಕರ ಕ್ರೆಡಿಟ್ ಸ್ಕೋರ್ ಅನ್ನು ಆಧರಿಸಿ ನಿರ್ಧರಿಸುವ ಅಂಶವಾಗಿದೆ. ಯಾವುದೇ ಕ್ರೆಡಿಟ್ ಕಾರ್ಡ್‌ನ ಕ್ರೆಡಿಟ್ ಮಿತಿಯನ್ನು ಬ್ಯಾಂಕ್‌ಗಳು, ಪರ್ಯಾಯ ಸಾಲದಾತರು ಮತ್ತು ಕ್ರೆಡಿಟ್ ಕಾರ್ಡ್ ಕಂಪನಿಗಳು ಸಾಲಗಾರನಿಗೆ ಸಂಬಂಧಿಸಿದ ಹಲವಾರು ಮಾಹಿತಿಯ ಆಧಾರದ ಮೇಲೆ ನಿರ್ಧರಿಸುತ್ತವೆ. ಅವರು ಕ್ರೆಡಿಟ್ ಮಿತಿಯನ್ನು ಹೊಂದಿಸುವ ಮೊದಲು ಸಾಲಗಾರನ ಕ್ರೆಡಿಟ್ ರೇಟಿಂಗ್, ವೈಯಕ್ತಿಕ ಆದಾಯ, ಸಾಲ ಮರುಪಾವತಿ ಇತಿಹಾಸ ಮತ್ತು ಇತರ ಅಂಶಗಳನ್ನು ಪರಿಶೀಲಿಸುತ್ತಾರೆ.

ಕ್ರೆಡಿಟ್ ಕಾರ್ಡ್ ಬಿಲ್ ಅನ್ನು ಪಾವತಿಸುವುದು ಹೇಗೆ? (How to pay credit card bill?

NEFT, NACH, ಡೆಬಿಟ್ ಕಾರ್ಡ್ ಮತ್ತು ಎಲೆಕ್ಟ್ರಾನಿಕ್ ಬಿಲ್ ಪಾವತಿ ಇತ್ಯಾದಿಗಳ ಸಹಾಯದಿಂದ ನೀವು ಸುಲಭವಾಗಿ ಕ್ರೆಡಿಟ್ ಕಾರ್ಡ್ ಬಿಲ್ ಅನ್ನು ಪಾವತಿಸಬಹುದು. ಸಾಮಾನ್ಯವಾಗಿ ಬಿಲ್ ಅನ್ನು 20-25 ದಿನಗಳ ನಡುವೆ ಮಾಡಲಾಗುತ್ತದೆ. ಈ ಸಮಯದಲ್ಲಿ ನಿಮ್ಮ ಕ್ರೆಡಿಟ್ ಕಾರ್ಡ್ ಬಳಸಿ ಮಾಡಿದ ಎಲ್ಲಾ ವಹಿವಾಟುಗಳನ್ನು ಬಿಲ್ ಮಾಡುವ ದಿನಾಂಕದಂದು ಬಿಲ್‌ಗೆ ಸೇರಿಸಲಾಗುತ್ತದೆ.

FAQ ಕ್ರೆಡಿಟ್ ಕಾರ್ಡ್ ಕುರಿತು ಆಗಾಗ ಕೇಳಲಾದ ಪ್ರಶ್ನೆಗಳು

[sc_fs_multi_faq headline-0=”h4″ question-0=”ಕ್ರೆಡಿಟ್ ಕಾರ್ಡ್ ಎಂದರೇನು?” answer-0=”ಕ್ರೆಡಿಟ್ ಕಾರ್ಡ್ ಎನ್ನುವುದು ಬ್ಯಾಂಕ್ ಗಳು ಅಥವಾ ಹಣಕಾಸು ಸಂಸ್ಥೆಗಳು ಒದಗಿಸುವ ಸೌಲಭ್ಯವಾಗಿದ್ದು, ಗ್ರಾಹಕರಿಗೆ ಮಿತಿಯೊಳಗೆ ಸಾಲ ಪಡೆಯಲು ಅವಕಾಶ ನೀಡುತ್ತದೆ. ದುಡ್ಡಿನ ತೊಂದರೆ ಇದ್ದ ಸಂದರ್ಭದಲ್ಲಿ ನಿಮ್ಮ ಹಣಕಾಸು ನಿರ್ವಹಣೆಗೆ ಕ್ರೆಡಿಟ್ ಕಾರ್ಡ್ ಹೊಂದುವುದು ಉತ್ತಮ ಮಾರ್ಗವಾಗಿದೆ. ಸ್ವಲ್ಪಮಟ್ಟಿನ ಹಣ ಪಡೆಯಲು, ವಸ್ತು ಖರೀದಿ ಮಾಡಲು, ಹಲವು ಬಗೆಯ ಬಿಲ್ ಪಾವತಿಸಲು ಕ್ರೆಡಿಟ್ ಕಾರ್ಡ್ ಉಪಯೋಗಕ್ಕೆ ಬರುತ್ತದೆ.” image-0=”” headline-1=”h4″ question-1=”ಕ್ರೆಡಿಟ್ ಎಂದರೇನು?” answer-1=”ಈ ಪದ ಒಂದಕ್ಕಿಂತ ಹೆಚ್ಚು ಅರ್ಥಗಳನ್ನು ಹೊಂದಿದೆ, ಆದರೆ ಹೆಚ್ಚಿನ ಜನರು ಸಾಲಗಾರರಿಂದ ಅಥವಾ ಹಣಕಾಸು ಸಂಸ್ಥೆಗಳಿಂದ ಸಾಲವನ್ನು ಪಡೆಯುವುದಕ್ಕೆ ಕ್ರೆಡಿಟ್ ಎಂದು ಭಾವಿಸುತ್ತಾರೆ. ” image-1=”” headline-2=”h4″ question-2=”ಕ್ರೆಡಿಟ್ ಕಾರ್ಡ್ ಉಪಯೋಗಗಳು ಯಾವವು?” answer-2=”1. ಸುಲಭ ದಾಯಕ ಶಾಪಿಂಗ್ ಅನುಭವ 2. ಜೊತೆಗೆ ನಗದು ತಗೆದುಕೊಂಡು ಹೋಗುವ ಅಗತ್ಯವಿಲ್ಲ. 3. ಬಹುಮಾನಗಳು, ಕ್ಯಾಶ್‌ಬ್ಯಾಕ್ ಮತ್ತು ಕೊಡುಗೆಗಳ ಸೌಲಭ್ಯ. 4. ಸುಲಭವಾಗಿ ಹಣ ಕೂಡ ಡ್ರಾ ಮಾಡಬಹುದು. 5. ವ್ಯಾಪಕವಾಗಿ ಬಹುತೇಕ ಕಡೆ ಕ್ರೆಡಿಟ್ ಕಾರ್ಡ್ ಸ್ವೀಕರಿಸಲಾಗುತ್ತಿದೆ. 6. ತುರ್ತು ಪರಿಸ್ಥಿತಿ ಸಂದರ್ಭದಲ್ಲಿ ಇದು ಆಪತ್ಬಾಂಧವ. 7. ಕ್ರೆಡಿಟ್ ಸ್ಕೋರ್ ಸುಧಾರಿಸುತ್ತದೆ.” image-2=”” headline-3=”h4″ question-3=”ಕ್ರೆಡಿಟ್ ಕಾರ್ಡ್ ಲಿಮಿಟ್ ಎಷ್ಟಿರುತ್ತದೆ?” answer-3=”ಇದು ಒಬ್ಬರಿಂದ ಒಬ್ಬರಿಗೆ – ಬ್ಯಾಂಕ್ ನಿಂದ ಬ್ಯಾಂಕ್ ಗೆ ಬದಲಾಗುತ್ತದೆ. ನಿಮ್ಮ ಕ್ರೆಡಿಟ್ ಇತಿಹಾಸ, ಅಂದರೆ ನೀವು ಈ ಹಿಂದೆ ಸಾಲ ಪಡೆದು ಅದನ್ನು ತೀರಿಸಿದ ಇತಿಹಾಸದ ಆಧಾರದ ಮೇಲೆ ಅಥವಾ ನಿಮ್ಮ ಕ್ರೆಡಿಟ್ ಸ್ಕೋರ್ ಆಧಾರದ ಮೇಲೆ ಕ್ರೆಡಿಟ್ ಕಾರ್ಡ್ ಲಿಮಿಟ್ ನಿರ್ಧರಿತವಾಗುತ್ತದೆ.” image-3=”” count=”4″ html=”true” css_class=””]

ಇಂದು ನಾವು ಈ ಲೇಖನದಲ್ಲಿ ಕ್ರೆಡಿಟ್ ಕಾರ್ಡ್ ಎಂದರೇನು? ಕ್ರೆಡಿಟ್ ಎಂದರೇನು? ಕ್ರೆಡಿಟ್ ಕಾರ್ಡ್ ಉಪಯೋಗಗಳು ಇತ್ಯಾದಿ ವಿಷಯಗಳ ಬಗ್ಗೆ ತಿಳಿದುಕೊಂಡಿದ್ದೇವೆ. ಈ ಮಾಹಿತಿ ನಿಮಗೆ ಹೇಗೆ ಅನಿಸಿತು ತಿಳಿಸಿ.