ವೈರಲ್ ಫೋಟೋಸ್ : ಇಟಲಿಯ ಆ ಕೆರೆಯ ಕೆಳಗೆ ಕಾಣಿಸಿದ್ದು ಬರೀ ಭೂತ ಭಂಗಲೆಯಲ್ಲ, ಇಡೀ ಭೂತದ ಗ್ರಾಮವೇ ಅಲ್ಲಡಗಿದೆ!

ಕೊರೊನಾವೈರಸ್‌ ನಿಂದ ಬಳಲುತ್ತಿರುವ ಇಟಲಿಯಲ್ಲಿ ಈಗ ಈ ಭಾರಿ ಚರ್ಚೆಯಲ್ಲಿದೆ. ಇಲ್ಲಿನ ಒಂದು ಸರೋವರದಲ್ಲಿ ನೀರು ಕಡಿಮೆಯಾದ ನಂತರ, ಮುಳುಗಿಹೋದ ಇಡೀ ಹಳ್ಳಿಯು ಕಾಣಿಸಿಕೊಳ್ಳಲು ಪ್ರಾರಂಭಿಸಿದೆ. ಈ ಗ್ರಾಮವನ್ನು 12 ನೇ ಶತಮಾನದಲ್ಲಿ ಸ್ಥಾಪಿಸಲಾಯಿತು ಮತ್ತು ಕಬ್ಬಿಣದ ಕೆಲಸ ಮಾಡುವ ಜನರು ಅದರಲ್ಲಿ ವಾಸಿಸುತ್ತಿದ್ದರು. ಈ ಹಳ್ಳಿಯ ಚಿತ್ರಗಳು ಇವತ್ತು ಸೋಶಿಯಲ್ ಮೀಡಿಯಾದಲ್ಲಿ ಸಾಕಷ್ಟು ವೈರಲ್ ಆಗುತ್ತಿವೆ.

ಟ್ವಿಟರ್ – ಫೇಸ್ಬುಕ್ ಸೇರಿದಂತೆ ಎಲ್ಲ ಕಡೆ ಈ ಗ್ರಾಮದ ಫೋಟೊಗಳು ಕಾಣಿಸಲಾರಂಭಿಸಿವೆ. ಭೂತದ ಊರು, ಭೂಗತ ಭೂತ ಗ್ರಾಮ ಇತ್ಯಾದಿ ಟೈಟಲ್ ನೊಂದಿಗೆ ಭರ್ತಿ ವೈರಲ್ ಆಗುತ್ತಿವೆ. Louise DM ಎಂಬುವವರ ಟ್ವಿಟರ್ ಖಾತೆ ಮೂಲಕ ಮೊನ್ನೆ ಪೋಸ್ಟ್ ಮಾಡಲಾದ ಫೋಟೊಗಳು ಈಗ ಎಲ್ಲ ಕಡೆ ಹರಿದಾಡತೊಡಗಿವೆ. ಅವಕ್ಕೆ ಮತ್ತೆ ಸುಣ್ಣ ಬಣ್ಣ ಹಚ್ಚಿ ದೆವ್ವ – ಭೂತದ ಫೀಲಿಂಗ್ ಬರುವ ಹಾಗೆ ಮಾಡಿದ್ದಾರೆ!

ತಜ್ಞರ ಪ್ರಕಾರ, ಇದು 26 ವರ್ಷಗಳ ಹಿಂದೆ ನೀರಿನ ಕೊರತೆಯಿಂದಾಗಿ ಕಾಣಿಸಿಕೊಳ್ಳಲು ಪ್ರಾರಂಭಿಸಿತು. ಈ ಪ್ರದೇಶದ ಜನರು ಈ ಹಳ್ಳಿಯನ್ನು ಕೆಟ್ಟದಾಗಿ ಪರಿಗಣಿಸುತ್ತಾರೆ. ದಿ ಸನ್ ನಲ್ಲಿ ಪ್ರಕಟವಾದ ವರದಿಯ ಪ್ರಕಾರ, ಈ ಗ್ರಾಮವು 12 ನೇ ಶತಮಾನದಲ್ಲಿ ಈ ಕಣಿವೆಯಲ್ಲಿ ಇತ್ತು ಎಂದು ತಜ್ಞರು ಹೇಳುತ್ತಾರೆ. ಇಟಲಿಯ ಈ ಪ್ರದೇಶದಲ್ಲಿ ಜನರು ಈ ಗ್ರಾಮವನ್ನು ‘ಘೋಸ್ಟ್ ವಿಲೇಜ್’ ಎಂದು ಕರೆಯುತ್ತಾರೆ.

ಅದನ್ನು ನೋಡುವುದು ಅಪಶಕುನ ಎಂದೂ ಪರಿಗಣಿಸಲಾಗುತ್ತದೆ. ಆದಾಗ್ಯೂ ಇದೆಲ್ಲವೂ ಕೇವಲ ಕುರುಡು ನಂಬಿಕೆ. ಇಟಾಲಿಯನ್ ಮುಲಿನೊಯಿಸೋಲಾ ವೆಬ್‌ ಸೈಟ್‌ ನ ಪ್ರಕಾರ, 1947 ರವರೆಗೆ ಈ ಗ್ರಾಮದಲ್ಲಿ ಜನವಸತಿ ಇತ್ತು ಮತ್ತು ಬಹಳ ಕಡಿಮೆ ಆದರೆ ಕಬ್ಬಿಣದ ಕೆಲಸ ಮಾಡುವ ಜನರು ಇಲ್ಲಿ ವಾಸಿಸುತ್ತಿದ್ದರು.

ಇದು ಯಾವುದೇ ನೈಸರ್ಗಿಕ ವಿಕೋಪದಲ್ಲಿ ಮುಳುಗಿರಲಿಲ್ಲ ಆದರೆ ಹತ್ತಿರದಲ್ಲಿ ಅಣೆಕಟ್ಟು ನಿರ್ಮಿಸಲಾಗಿದ್ದರಿಂದ. ಮುಳುಗುವ ಮೊದಲು ಅದನ್ನು ಸ್ಥಳಾಂತರಿಸಲಾಯಿತು ಎನ್ನಲಾಗಿದೆ. ಇಟಾಲಿಯನ್ ಮಾಧ್ಯಮಗಳ ಪ್ರಕಾರ, ಫ್ಯಾಬ್ರಿಕ್ ಡಿ ಕ್ರಾಜಿನ್ ಹೆಸರಿನ ಅಣೆಕಟ್ಟಿನಲ್ಲಿ ಕೆಲವು ಕೆಲಸಗಳು ನಡೆಯುತ್ತಿದ್ದು, ಇದರಿಂದಾಗಿ ಸರೋವರದ ನೀರನ್ನು ಕಡಿಮೆ ಮಾಡಲಾಗಿದೆ.

ಇಟಲಿಯ ಪುರಾತತ್ವ ಸಮೀಕ್ಷೆಯ ಪ್ರಕಾರ, ಈ ಸರೋವರವು ನೈಸರ್ಗಿಕವಲ್ಲ ಆದರೆ ಅಣೆಕಟ್ಟು ನಿರ್ಮಾಣದಿಂದಾಗಿ ಅಸ್ತಿತ್ವಕ್ಕೆ ಬಂದಿತು. ಹತ್ತಿರದ ಜನರು ಈ ಹಳ್ಳಿಗೆ ಸಂಬಂಧಿಸಿದ ಅನೇಕ ಕಥೆಗಳನ್ನು ಹೇಳುತ್ತಾರೆ ಮತ್ತು ಅದನ್ನು ನೋಡಿದರೆ ಕೆಟ್ಟದಾಗುವುದಾಗಿಯೂ ನಂಬಲಾಗುತ್ತದೆ. ಅವರ ಪ್ರಕಾರ, ಅಣೆಕಟ್ಟು ನಿರ್ಮಿಸಿದಾಗ ಈ ಗ್ರಾಮವನ್ನು ಬಲವಂತವಾಗಿ ಸ್ಥಳಾಂತರಿಸಲಾಯಿತು, ಅಂದಿನಿಂದ ಈ ಗ್ರಾಮವನ್ನು ದುರದೃಷ್ಟ ಎಂದು ಪರಿಗಣಿಸಲಾಗಿದೆ.

Curon come non si era mai vista!

Per motivi di manutenzione, hanno semi prosciugato il lago di Resia e sono riaffiorati i resti dell’antico paese ci Curon!❤️

Una strana sensazione camminare sulle macerie delle case…#curon #lagodiresia #reschensee #altoadige #südtirol pic.twitter.com/VtZGdSPHoU

— Louise DM 🇮🇹 🌋 (@AvventuraL) May 16, 2021

ಕೊನೆಯ ಬಾರಿಗೆ 1994 ರಲ್ಲಿ ಸರೋವರದಲ್ಲಿ ನೀರು ಕಡಿಮೆ ಇದ್ದಾಗ, ಈ ಗ್ರಾಮ ವಿಭಿನ್ನವಾಗಿ ಕಾಣಿಸಿತು. 26 ವರ್ಷಗಳ ಹಿಂದೆ, ಈ ಗ್ರಾಮವು ಸರೋವರದಲ್ಲಿ ಕಡಿಮೆ ನೀರು ಇರುವಾಗ ಕಂಡುಬಂತಾದರೂ ಯಾರೂ ಕೆದಕಿರಲಿಲ್ಲ. ನಗರದ ದಾಖಲೆಗಳ ಪ್ರಕಾರ, ಕಳೆದ ಬಾರಿ ಇದನ್ನು ದೇಶಾದ್ಯಂತ ಸುಮಾರು 10 ಲಕ್ಷ ಜನರು ಇದನ್ನು ನೋಡಲು ಬಂದಿದ್ದರು.

ಈ ಅಣೆಕಟ್ಟನ್ನು ನಿರ್ವಹಿಸುವ ಕಂಪನಿ ಎನೆಲ್ ಫಾಕ್ಸ್ ನ್ಯೂಸ್‌ ಗೆ ತಿಳಿಸಿದಂತೆ – ಗ್ರಾಮವನ್ನು ಮೊದಲೇ ನೋಡಲಾಗಿತ್ತಾದರೂ, ಇದೀಗ ಅಣೆಕಟ್ಟಿನಲ್ಲಿ ಕೆಲವು ಕೆಲಸಗಳು ನಡೆಯುತ್ತಿವೆ, ಹೀಗಾಗಿ ನೀರು ತೀರ ಕಡಿಮೆಯಾಗಿರುವುದರಿಂದ ಈ ವರ್ಷ ಈ ಗ್ರಾಮವು ಹೆಚ್ಚು ಕಾಣಿಸಿಕೊಳ್ಳಲು ಪ್ರಾರಂಭಿಸಿದೆ, ಮುಂಬರುವ ವರ್ಷದಲ್ಲಿ ಇದು ಇನ್ನೂ ಹೆಚ್ಚು ಕಾಣಿಸುತ್ತದೆ ಎಂದಿದ್ದಾರೆ.
-Team Infotrend