ಯಾವ ಕ್ರಿಕೆಟಿಗರು ಇಷ್ಟ? ಆಫ್ರಿದಿಯ ಲೀಸ್ಟ್ನಲ್ಲಿ ಕೇವಲ ಒಬ್ಬ ಭಾರತೀಯ!

ಪಾಕಿಸ್ತಾನದ ಮಾಜಿ ಕ್ರಿಕೆಟ್ ಆಟಗಾರ ಶಾಹಿದ್ ಆಫ್ರಿದಿ ಅವರ ಮೇಲೆ ಯಾವ ಕ್ರಿಕೆಟ್ ಆಟಗಾರರು ತುಂಬಾ ಪ್ರಭಾವವನ್ನು ಬೀರಿದ್ದಾರೆ ಮತ್ತು ಯಾವ ಆಟಗಾರರ ಆಟ ನೋಡಲು ಇಷ್ಟ? ಎಂದು ಪ್ರಶ್ನೆ ಕೇಳಲಾಯಿತು. ಈ ಸಂದರ್ಭದಲ್ಲಿ ಶಾಹಿದ್ ಆಫ್ರಿದಿ ಅವರು ತಮ್ಮ ಉತ್ತರದಲ್ಲಿ ಜಗತ್ತಿನ ಅನೇಕ ಕ್ರಿಕೆಟ್ ಆಟಗಾರರ ಹೆಸರನ್ನು ತೆಗೆದುಕೊಂಡರು. ಇದರಲ್ಲಿ ಭಾರತೀಯ ಆಟಗಾರ ಮಾತ್ರ ಒಬ್ಬರೇ ಇದ್ದಾರೆ.

1996 ರಲ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್ ನಲ್ಲಿ ಪದಾರ್ಪಣೆ ಮಾಡಿದರು ಪಾಕಿಸ್ತಾನದ ಆಟಗಾರ ಶಹಿದ್ ಆಫ್ರಿದಿ ಅವರು ಅನೇಕ ದಾಖಲೆಗಳನ್ನು ತಮ್ಮ ಹೆಸರಿಗೆ ಸೇರಿಸಿಕೊಂಡಿದ್ದಾರೆ. ಅದರಂತೆ ಪಾಕಿಸ್ತಾನ ತಂಡಕ್ಕೆ ಅನೇಕ ಗೆಲುವುಗಳನ್ನು ಸಹಿತ ತಂದುಕೊಟ್ಟಿದ್ದಾರೆ.

ಈ ಆಲ್-ರೌಂಡರ್ ಆಟಗಾರನಿಗೆ, ನಿಮಗೆ ಯಾರ ಆಟ ನೋಡಲು ಇಷ್ಟ? ಎಂದು ಪ್ರಶ್ನೆ ಕೇಳಲಾಯಿತು. ಅದಕ್ಕೆ ಆಫ್ರಿದಿ ತಮ್ಮದೇ ದೇಶದ ಆಟಗಾರರಾದ ಇಂಜಮಾಮ್-ಉಲ್-ಹಕ್ ಮತ್ತು ಸಯೀದ್ ಅನ್ವರ್ ಅವರ ಆಟ ನೋಡಲು ತುಂಬಾ ಇಷ್ಟ ಎಂದು ಹೇಳಿದ್ದಾರೆ. ಇವರ ಜೊತೆಗೆ ಇನ್ನೂ ಅನೇಕ ಆಟಗಾರರ ಹೆಸರುಗಳನ್ನು ತೆಗೆದುಕೊಂಡರು.

ಬಿ ಸ್ಪೋರ್ಟ್ಸ್ ಪಾಕಿಸ್ತಾನ್ ಯುಟ್ಯೂಬ್ ಚಾನೆಲ್ ಮೇಲೆ ‘ಖೆಲೋ ಆಜಾದಿ ಸೆ’ ಹೆಸರಿನ ಶೋನಲ್ಲಿ ಆಫ್ರಿದಿಯವರು ಈ ಬಗ್ಗೆ ಮಾತನಾಡುತ್ತಿದ್ದರು. ಪ್ರಾರಂಭದ ವರ್ಷಗಳಲ್ಲಿ ಇವರ ಮೇಲೆ ಇಂಜಮಾಮ್ ಮತ್ತು ಸಯೀದ್ ಅನ್ವರ್ ತುಂಬಾ ಪ್ರಭಾವವನ್ನು ಬೀರಿದ್ದರಂತೆ. ಆ ಸಮಯದಲ್ಲಿ ನನಗೆ ಅವರಂತೆ ಆಡಬೇಕೆಂದು ಎನಿಸುತ್ತಿತ್ತು ಎಂದು ಹೇಳುತ್ತಾರೆ. ಅವರ ಜೊತೆಗೆ ಒಮ್ಮೆಯಾದರೂ ಆಡಬೇಕೆಂದು ಕನಸು ಕಾಣುತ್ತಿದ್ದೆ. ಬೇರೆ ದೇಶದ ಆಟಗಾರರ ಹೆಸರು ಹೇಳಬೇಕೆಂದರೆ ಬ್ರಯಾನ್ ಲಾರಾ ಮತ್ತು ಗ್ಲೆನ್ ಮೆಗ್ರಾತ್ ಅವರ ಆಟ ನೋಡಲು ಇಷ್ಟವಾಗುತ್ತಿತ್ತಂತೆ ಎಂದು ಹೇಳುತ್ತಾರೆ.

ಈ ಸಂದರ್ಭದಲ್ಲಿ ಅವರು ಫಕರ್ ಜಮಾನ್ ಮತ್ತು ಬಾಬರ್ ಆಜಮ್ ಅವರನ್ನು ಸಹ ಹೊಗಳಿದರು. ಇವರ ಜೊತೆಗೆ ಎಬಿ ಡಿವಿಲಿಯರ್ಸ್ ವಿರಾಟ್ ಕೊಹ್ಲಿ ಅವರು ಒಳ್ಳೆಯ ಆಟಗಾರರು ಎಂದು ಹೇಳುತ್ತಾರೆ. ಫಕರ್ ಜಮಾನ್ ಅವರು ಒಳ್ಳೆಯ ಪ್ರಾರಂಭವನ್ನು ಮಾಡಿದರೆ ಪಂದ್ಯವನ್ನು ಗೆಲ್ಲಿಸಿ ಕೊಡುವಂತಹ ಸಾಮರ್ಥ್ಯ ಹೊಂದಿದ್ದಾರೆ ಎಂದು ಅಫ್ರಿದಿ ಹೇಳುತ್ತಾರೆ. ಆದರೆ ಅವರಲ್ಲಿ ಸ್ಥಿರತೆಯ ಕಡಿಮೆ ಇದೆ. ಶಹಿದ್ ಆಫ್ರಿದಿ ಅವರು ಟೆಸ್ಟ್ ಪಂದ್ಯಗಳಲ್ಲಿ 1,716 ರನ್ಗಳನ್ನು ಮಾಡಿ 48 ವಿಕೆಟ್ಗಳನ್ನು ತೆಗೆದುಕೊಂಡಿದ್ದಾರೆ. ಏಕದಿನ ಪಂದ್ಯಗಳಲ್ಲಿ 8064 ರನ್ಗಳನ್ನು ಒಟ್ಟುಗೂಡಿಸಿ 395 ವಿಕೆಟ್ಗಳನ್ನು ತಮ್ಮ ಹೆಸರಿಗೆ ಬರೆದುಕೊಂಡಿದ್ದಾರೆ.