ಚಿಕ್ಕ ಕಾರಿನಲ್ಲಿ ಸೇರಿ ಕುಳಿತರು ಒಟ್ಟು 27 ಜನ! ಗಿನ್ನಿಸ್ ವರ್ಲ್ಡ್ ರೆಕಾರ್ಡ್ ಟ್ವಿಟ್ ಮಾಡಿತು ಈ ವಿಡಿಯೋ..!
ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ ನಲ್ಲಿ ತಮ್ಮ ಹೆಸರನ್ನು ನೋಂದಾಯಿಸಿಕೊಳ್ಳಲು ಜನರು ಅನೇಕ ರೀತಿಯ ಅದ್ಭುತವಾದ ಕೆಲಸ ಕಾರ್ಯಗಳನ್ನು ಮಾಡುತ್ತಾರೆ. ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುವ ವಿಡಿಯೋದಲ್ಲಿ ಒಂದು ಸಾಮಾನ್ಯ 5 ಸಿಟರ್ ಮಿನಿ ಕೂಪರ್ ಕಾರಿನಲ್ಲಿ 27 ಜನ ಸೇರಿ ಕುಳಿತುಕೊಂಡಿದ್ದಾರೆ. ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ ತನ್ನ ಅಧಿಕೃತ ಟ್ವಿಟರ್ ಹ್ಯಾಂಡಲ್ ಮುಖಾಂತರ ಈ ವಿಡಿಯೋವನ್ನು ಟ್ವೀಟ್ ಮಾಡಿದೆ.
ಪ್ರಸ್ತುತ ಈ ವಿಡಿಯೋದಲ್ಲಿ ಕಂಡುಬರುವ ವ್ಯಕ್ತಿಗಳಲ್ಲಿ ಕೆಲವರು ಸಹಜವಾಗಿ ಕುಳಿತರೆ ಇನ್ನೂ ಕೆಲವರು ತಮ್ಮ ದೇಹವನ್ನು ತುಂಬಾ ಫ್ಲೆಕ್ಸಿಬಲ್ ಆಗಿ ಒಳಗೆ ಸೇರಿಸಿದ್ದಾರೆ. ಕಾರಿನಲ್ಲಿ ಸೇರಿ ಕುಳಿತುಕೊಳ್ಳಲು ವಾಲಂಟಿಯರ್ಸ್ ಗಳು ಲೈನ್ನಲ್ಲಿ ನಿಂತಿದ್ದಾರೆ. ನಂತರ ಒಬ್ಬೊಬ್ಬರಾಗಿ ಒಳಗೆ ಹೋಗಿ ಕುಳಿತುಕೊಳ್ಳುತ್ತಾರೆ.
GWR ಈ ವಿಡಿಯೋವನ್ನು ಸಪ್ಟೆಂಬರ್ 6 ರಂದು ಟ್ವಿಟರ್ ನಲ್ಲಿ ಪೋಸ್ಟ್ ಮಾಡಿದೆ. ಹಾಗೆ ನೋಡಲಾಗಿ ಪ್ರಸ್ತುತ ವಿಡಿಯೋ 8 ವರ್ಷಗಳ ಹಿಂದಿನದ್ದಾಗಿದೆ. ಯುನೈಟೆಡ್ ಕಿಂಗ್ಡಮ್ ನಲ್ಲಿ ಪ್ರಸ್ತುತ ಈ ದೃಶ್ಯದ ಪ್ರಯೋಗ ಮಾಡಲಾಯಿತು. ರೆಕಾರ್ಡ್ ಮಾಡಲು ಜನ ಅನೇಕ ರೀತಿಯ ಐಡಿಯಾಗಳನ್ನು ಶೋಧಿಸಿಕೊಳ್ಳುತ್ತಾರೆ. ವಿಶೇಷವೇನೆಂದರೆ ಒಳಗೆ ಕುಳಿತುಕೊಂಡವರ ದೇಹ ಮತ್ತು ತಲೆಯ ಮೇಲೆಯೂ ಉಳಿದ ವ್ಯಕ್ತಿಗಳು ಕುಳಿತಿದ್ದಾರೆ ಮತ್ತು ಮಲಗಿದ್ದಾರೆ.
ವಿಡಿಯೋ ನೋಡಿ
How many volunteers can squeeze into this regular-sized Mini Cooper? 😬 pic.twitter.com/wXf4Tihv87
— Guinness World Records (@GWR) September 5, 2022
ಇಂಟರ್ನೆಟ್ ನಲ್ಲಿ ವೈರಲ್ ಆಗುತ್ತಿರುವ ಈ ವಿಡಿಯೋವನ್ನು ನೋಡಿ ನೇಟಿಜನ್ಸ್ ಗಳು ಅನೇಕ ರೀತಿಯ ಕಮೆಂಟ್ಗಳನ್ನು ಮಾಡುತ್ತಿದ್ದಾರೆ. ಈ ವಿಡಿಯೋವನ್ನು ನೋಡಿದ ವ್ಯಕ್ತಿಯೊಬ್ಬ “ಎಲ್ಲಿಯವರೆಗೆ ಆಕ್ಸಿಡೆಂಟ್ ಆಗುವುದಿಲ್ಲವೋ ಅಲ್ಲಿಯವರೆಗೆ ಈ ವಿಡಿಯೋ ನೋಡಲು ತುಂಬಾ ತಮಾಷೆಯಾಗಿದೆ” ಎನ್ನುತ್ತಾನೆ.
