ಚೀನಾದ ಬೈಕ್ ಕಂಪನಿ ಸಿಎಫ್‌ಮೊಟೊ ಭಾರತದಲ್ಲಿ ತನ್ನ ಉತ್ಪನ್ನಗಳನ್ನು ನಿರಂತರವಾಗಿ ನವೀಕರಿಸುತ್ತಿದೆ. ಭಾರತದಲ್ಲಿ ತನ್ನ ಮೊದಲ ಬಿಎಸ್ -6 ಬೈಕ್ 300 ಎನ್‌.ಕೆ ಬಿಡುಗಡೆ ಮಾಡಿದ ನಂತರ, ಕಂಪನಿಯು ಈಗ ನವೀಕರಿಸಿದ ಬಿಎಸ್ -6 ಮಾದರಿಯನ್ನು 600 ಎನ್‌.ಕೆ (CFMoto 600NK) ಬಿಡುಗಡೆ ಮಾಡಲು ಸಿದ್ಧತೆ ನಡೆಸಿದೆ. ಕಂಪನಿಯು ಇತ್ತೀಚೆಗೆ ಈ ಬೈಕ್ ನ ಟೀಸರ್ ಅನ್ನು ತನ್ನ ಸೋಷಿಯಲ್ ಮೀಡಿಯಾ ಹ್ಯಾಂಡಲ್‌ ನಲ್ಲಿ ಬಿಡುಗಡೆ ಮಾಡಿದೆ.
ಸಿಎಫ್‌ಮೊಟೊ ಭಾರತದಲ್ಲಿ ಬುಕ್ಕಿಂಗ್ ಪ್ರಾರಂಭಿಸಿದೆ. ಕಂಪನಿಯು ಮುಂದಿನ ತಿಂಗಳು ಈ ಬೈಕ್ ಅನ್ನು ಬಿಡುಗಡೆ ಮಾಡಬಹುದು ಎಂದು ಹೇಳಲಾಗಿದೆ. ಕಂಪನಿಯ ವೆಬ್‌ ಸೈಟ್‌ನಲ್ಲಿ ಹೊಸ ಸಿಎಫ್‌ಮೊಟೊ 600 ಎನ್‌.ಕೆ ಬುಕಿಂಗ್ ಮಾಡಬಹುದು. ಆನ್ ಲೈನ್ ಬುಕಿಂಗ್‌ಗಾಗಿ, ಗ್ರಾಹಕರು 5,000 ರೂ.ಗಳ ಟೋಕನ್ ಮೊತ್ತವನ್ನು ಪಾವತಿಸಬೇಕಾಗಿದ್ದು, ಬೈಕ್ ನ ಸಂಪೂರ್ಣ ಬೆಲೆಯನ್ನು ಪಾವತಿಸುವಾಗ ಅದನ್ನು ಸರಿಹೊಂದಿಸಲಾಗುತ್ತದೆ.
ಪ್ರಸ್ತುತ ಬಿಎಸ್ -4 ಮಾದರಿಯ 600 ಎನ್ಕೆ ಬೆಲೆಯನ್ನು ಕಂಪನಿಯ ವೆಬ್‌ಸೈಟ್‌ನಲ್ಲಿ ನೀಡಲಾಗಿದೆ. ಕಂಪನಿಯು ಹೊಸ ಬೈಕ್‌ನ ಬೆಲೆಯನ್ನು ಇನ್ನೂ ಬಹಿರಂಗಪಡಿಸಿಲ್ಲ ಆದರೆ ಬಿಎಸ್ -6 ಮಾದರಿಯ ಬೆಲೆ ಹಳೆಯ ಮಾದರಿಗಿಂತ ಸ್ವಲ್ಪ ಹೆಚ್ಚಿರಬಹುದು ಎಂದು ಊಹಿಸಲಾಗುತ್ತಿದೆ.
ಹೊಸ ಸಿಎಫ್‌ಮೊಟೊ 600 ಎನ್‌.ಕೆ ಕುರಿತು ಮಾತನಾಡುತ್ತಾ, ಈ ಬೈಕ್ ನ ವಿನ್ಯಾಸವನ್ನು ನವೀಕರಿಸಲಾಗಿದೆ. ಈ ಬೈಕು ಫ್ರಂಟ್ ಫೆಂಡರ್ನೊಂದಿಗೆ ಹೊಸ ವಿನ್ಯಾಸದ ಇಂಧನ ಟ್ಯಾಂಕ್ ಹೊಂದಿದೆ. ಬೈಕು ಡ್ಯುಯಲ್ ಟೋನ್ ಹೆಡ್‌ ಲೈಟ್ ಮಾಸ್ಕ್, ಹೊಸ ಸ್ಪ್ಲಿಟ್ ಸೀಟ್ ಮತ್ತು ಹೊಸ ಕಲರ್ ಆಯ್ಕೆಯನ್ನು ಸಹ ನೀಡುತ್ತದೆ.
ಬೈಕ್ ನ ಬ್ರೇಕ್ ಮತ್ತು ಸಸ್ಪೆನ್ಸರ್ ಬದಲಾಯಿಸಲಾಗಿಲ್ಲ. ಬ್ರೇಕಿಂಗ್ ಸೆಟಪ್ ಮುಂಭಾಗದಲ್ಲಿ ಎರಡು ಡಿಸ್ಕ್ ಮತ್ತು ಹಿಂಭಾಗದಲ್ಲಿ ಒಂದೇ ಡಿಸ್ಕ್ ಅನ್ನು ಹೊಂದಿರುತ್ತದೆ. ಬ್ರೇಕಿಂಗ್ ಸುಧಾರಿಸಲು ಡ್ಯುಯಲ್ ಚಾನೆಲ್ ಎಬಿಎಸ್ ಸಹ ಲಭ್ಯವಿದೆ.
ಎಂಜಿನ್ ಬಗ್ಗೆ ಹೇಳುವುದಾದರೆ, ಹೊಸ 600 ಎನ್ಕೆ 649 ಸಿಸಿಯ ಲಿಕ್ವಿಡ್ ಕೂಲ್ಡ್, ಟ್ವಿನ್ ಪ್ಯಾರೆಲಲ್, ಬಿಎಸ್ -6 ಕಂಪ್ಲೈಂಟ್ ಎಂಜಿನ್ ಹೊಂದಿದ್ದು, ಇದು 60.3 ಬಿಎಚ್‌ಪಿ ವಿದ್ಯುತ್ ಮತ್ತು 56 ನ್ಯೂಟನ್ ಮೀಟರ್ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ.
ಈ ಎಂಜಿನ್ ಅನ್ನು ಬಿಎಸ್-6 ಮಾಲಿನ್ಯ ನಿಯಮಕ್ಕೆ ಅನುಗುಣವಾಗಿ ನವೀಕರಿಸಲಾಗಿದೆ. ಬೈಕ್ ನ ಎಂಜಿನ್ ಅನ್ನು 6-ಸ್ಪೀಡ್ ಗೇರ್‌ ಬಾಕ್ಸ್‌ಗೆ ಜೋಡಿಸಲಾಗಿದೆ. ಈ ಹೊಸ CFMoto 600NK ಮಾದರಿಯ ಬೈಕ್ ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾದ ನಂತರ ಕವಾಸಕಿ Z650, ಹೋಂಡಾ CB650, ರಾಯಲ್‌ ಎನ್‌ಫೀಲ್ಡ್‌ ಇಂಟರ್ಸೆಪ್ಟರ್ ಮತ್ತು ಟ್ರಯಂಫ್ ಟ್ರೈಡೆಂಟ್ 660 ಬೈಕ್ ಗಳಿಗೆ ಪೈಪೋಟಿ ನೀಡಲಿದೆ.
ಸಿಎಫ್‌ಮೊಟೊ 650 ಎನ್ಕೆ ಆನ್-ರೋಡ್ ಮತ್ತು ಎಕ್ಸ್ ಶೋ ರೂಂ ಬೆಲೆ ಎಷ್ಟು ಎಂದು ನೋಡುವುದಾದರೆ, ದೆಹಲಿಯಲ್ಲಿ ಸಿಎಫ್‌ಮೊಟೊ 650 ಎನ್ಕೆ ಎಕ್ಸ್ ಶೋರೂಂ ಬೆಲೆ ರೂ. 3.99 ಲಕ್ಷದಿಂದ ಆರಂಭ!
-Team Infotrend